ပြောင်းပြန်တွေပါလား

သြစတျေးလျနိုင်ငံကို စတင်အခြေချတဲ့လူတွေက Aborigines ခေါ် ဌာနေတိုင်းရင်းသားတွေပဲဖြစ်တယ်။ လွန်ခဲ့တဲ့နှစ်ပေါင်း လေးသောင်းလောက်ကတည်းက သူတို့ဟာ သြစတျေးလျကိုစတင်အခြေချတယ်လို့ သိပ္ပံပညာရှင်တွေက ပြောကြတယ်။ ဒီလူတွေ ဘယ်ကလာလဲမေးရင် ပညာရှင်တွေက အိန္ဒိယတိုက်ကနေ လာတယ်လို့ဆိုတယ်။ လွန်ခဲ့နှစ်သန်းပေါင်းများစွာက သြစတျေးလျနိုင်ငံနဲ့အိန္ဒိယနိုင်ငံတို့ဟာ ကုန်းကြီးတစ်ခုထဲမှာပဲ ဆက်စပ်ပြီးရှိနေကြတယ်။ အင်္ဂလိပ်ခေါ်ရင် Gondwana လို့ခေါ်တယ်။

၁၂၀၀-၁၅၀၀ ခုနှစ်ကာလတွေအတွင်းမှာ ပေါ်တူဂီ၊ စပိန်၊ အင်္ဂလန်၊ ပြင်သစ်၊ နယ်သာလန် စတဲ့ ဥရောပနိုင်ငံတွေမှာ သင်္ဘောတီထွင်တဲ့နည်းပညာအားကောင်းလာတယ်။ သူတို့ရွက်လှေတွေနဲ့ တကမ္ဘာလုံးမှာရှိတဲ့ နယ်သစ်ပယ်သစ်တွေကို ရှာဖွေကြလာတယ်။ ကိုလိုနီပြုဖို့ပါ။ ဒီဘက်ခေတ်လို ဟော်လီးဒေး လာတာမဟုတ်ပါ။

သူတို့ဒီလို သင်္ဘောနဲ့ကမ္ဘာပတ်နေတဲ့အချိန်မှာ မြန်မာပြည်က ဘုရင်တွေ ဘာလုပ်နေကြလဲဆိုတော့ မိန်းမတွေ တစ်ပုံကြီးယူပြီး ပျော်ပါးသောက်စားမှုးယစ်ပြီး အာဏာမက်နေကြတုန်းပါ။ အဲဓိက ဒါကိုပဲ ခေါင်းထဲမှာ ထည့်ထားပုံရတယ်။ အသေးစိတ်မသိပါ။

သြစတျေးလျနိုင်ငံ နယူးဆောက်ဝေးပြည်နယ်ကို ၁၇၈၆-ခုနှစ် သြဂုတ်လမှာ ပထမဆုံး အင်္ဂလိပ်က စတင် ကိုလိုနီပြုခဲ့တယ်။ ရွက်လှေ ၁၁ စီးနဲ့ အတူ အကျဉ်းသား ၁၅၀၀-လောက် ဒုက္ခအမျိုးမျိုး အခက်အခဲမျိုးမျိုးကို ရင်ဆိုင်ပြီး သြစတျေးလျမှာ နေဖို့ အင်္ဂလိပ်အစိုးရက စေလွှတ်လိုက်တယ်။ ဒီလူ ၁၅၀၀-ထဲမှာ မိန်းမ၊ ခလေး တွေနဲ့ ယောက်ျားတွေပါတယ်။ လာတဲ့လမ်းမှာတင် လူအယောက်လေး ဆယ်နီးပါလောက် သေဆုံးကုန်တယ်။ ဘယ်လောက်ထိ ခက်ထန်ကြမ်းတမ်းတဲ့ လမ်းခရီးလဲ။ အခုခေတ်လို ဒုက္ခသည်စခန်းတွေထဲကနေ လေယျာဉ်နဲ့ လာရတဲ့ခရီးဆိုရင် ဘယ်လောက်တောင် ပါကြမလဲမသိဘူး။ အခုတော့ ၁၅၀၀ လောက်ရှိတဲ့ လူဦးရေ။ သူတို့တွေအားလုံးဟာ သူခိုးတွေချည်းပဲ။

သူတို့ဘ၀တွေကို သြစတျေးလျမှာ ထူထောင်ကြတဲ့ အချိန်မှာ ဘာရှိလဲဆိုတာတွေးကြည့်ပါ။ ဘာမှ အဆင်သင့်မဖြစ်သေးပါဘူး။ အဲဒိအချိန်မှာ Centerlink လို့ခေါ်တဲ့ အစိုးရထောက်ပံ့ကြေးပေးတဲ့ ဌာနမရှိ။ ဆောက်ပြီးသား အိမ်၊ ကျောင်းသွားဖို့အတွက် မော်တော်ကား၊ အပျင်းပြေသောက်ဖို့အတွက် ဘီယာရှိတယ်ထင်လား။ တခုမှမရှိပါ။ ရှိတာက သူတို့ကို ဆော်ပလော်တီးဖို့ ချောင်းနေတဲ့ ဌာနေတိုင်းရင်းသားတွေပဲရှိတယ်။ အဲဒိအချိန်မှာ ဌာနေတိုင်းရင်းသားတွေက ဂျီတော့၊ အင်တာနက်နဲ့ Facebook သုံးနေတဲ့ ယဉ်ကျေးမှု မရှိတော့ အင်္ဂလိပ်သူခိုးတွေကို လေးမြားနဲ့ပစ်၊ လှံနဲ့ထိုးပြီး ပြန်မောင်းထုတ်ကြတယ်။

ရာသီဥတုကလည်းဆိုးရွား၊ ရေကလည်းရှားနဲ့ စတင်အခြေချလာတဲ့ အင်္ဂလိပ်ဒုက္ခသည်တွေဟာ သူတို့အခက်အခဲကို ဖြစ်သလိုကြိတ်မှိတ်ပြီး ရင်ဆိုင်ကြတယ်။ တုန့်ပြန်ကြတယ်။

သူတို့တွေဟာ တဖြည်းဖြည်းနဲ့ သူတို့ဘ၀တွေကို တည်ထောင်ကြတယ်။ နောက်ပိုင်းသူတို့အဆင်ပြေလာ ကြတော့ အင်္ဂလန်က သူခိုးတွေ၊ ဒမြ တွေကို တသုတ်ပြီးတသုတ် အင်္ဂလန်အစိုးရက ထပ်ပို့လာတယ်။ လူတွေများလာတယ်ပေါ့။ ဒီလိုနဲ့ သြစတျေးလျကို စတင်တည်ထောင်ကြတာပါ။

သူတို့ဒီလိုတည်ထောင်ကြတဲ့အချိန်မှာ IMF ဆီကလည်း ငွေအထောက်အပံ့မရပါ။ အမေရိကဆီကလည်း ချေးလို့မရပါ။ ရှင်းရှင်းပြောရရင် ဘယ်နိုင်ငံဆီကမှ အထောက်အပံ့မရပါ။

နှစ်ပေါင်း နှစ်ရာလောက်ကြာတဲ့အချိန်မှာ သြစတျေးလျနိုင်ငံဟာ ကမ္ဘာပေါ်မှာ အချမ်းသာဆုံးစာရင်းဝင်ဖြစ်လာတယ်။ သူတို့နိုင်ငံကနေ ဆင်းရဲတဲ့နှိင်ငံတွေကို ကူညီတယ်။ ဒုက္ခသည်တွေကို လက်ခံပေးတယ်။ မြန်မာပြည်က ဒုက္ခသည်တွေသောင်းနဲ့ချီပြီး သြစတျေးလျကို လာကြတယ်။ ဗီယမ်နမ်တွေ၊ အီရန်တွေလည်း လာကြတယ်။ သူတို့လာတဲ့အချိန်မှာ အိမ်အဆင်သင့်၊ အစိုးရထောက်ပံ့ကြေးအဆင်သင့်၊ စားစရာ အဆင်သင့်၊ အားလုံးအသင့်ပါပဲ။

သြစတျေးလျတွေ စားဖို့သောက်ဖို့အတွက် လွန်ခဲ့တဲ့နှစ်ပေါင်း ၂၀၀-လောက်က ရုန်းကန်ရသလို ဒီဘက်ခေတ်သြစတျေးလျတွေ ခက်ခက်ခဲခဲမရုန်းကန်ရတော့ဘူး။

ဒါတွေဟာ ဘယ်သူ့ကြောင့်လဲဆိုတော့ သူတို့လူကြီးတွေကြောင့်ပဲ။ အဖိုးအဘွားတွေကြောင့်ပဲ။ သူတို့တွေဟာ ဘ၀နာတဲ့အခါကြတော့ အလုပ်ကျိုးစားတယ်။ သားတွေသမီးတွေ၊ နောင်လာနောင်သားတွေအတွက် စံနမှုနာဖြစ်စေတယ်။ နိုင်ငံရေးစနစ်ကို ကောင်းအောင်လုပ်တယ်။ ပွင့်လင်းမှုရှိမှ တရားမျှတမှုရှိမှ တိုးတက်မယ်ဆိုတာကိုသိတယ်။ အချင်းအချင်းလည်း ကိုယ်ထိလက်ရောက် ရန်မဖြစ်ဘူး။ ပါးစပ်နဲ့ပြောတဲ့ နိုင်ငံရေးကိုပဲ ကောင်းအောင် အားထုတ်တယ်။ နောက်ဆုံး သူတို့ဘာ့ကြောင့် ဒီလိုဖြစ်လာတာလဲဆိုတော့ သူတို့လူမျိုးရဲ့ စိတ်ဓာတ်တွေက ဗမာလူမျိုးတွေရဲ့  စိတ်ဓာတ်ထက် အဆင့်အတန်းမြင့်လို့ပါ။ အချောင်လိုက်ချင်တဲ့စိတ်၊ ခိုးချင်တဲ့စိတ်၊ ပျင်းတဲ့စိတ်၊ စတဲ့မကောင်းတဲ့ စိတ်ဓာတ်တွေဟာ ဘ၀နာတဲ့အတွက် မထားသင့်ဘူးလို့ သူတို့ယူဆတယ်။ အလုပ်လုပ်တယ်။ မိဘလုပ်စာကို ထိုင်ပြီးသုံးဖြုန်းတဲ့ အကျင့်ကို ဖျောက်တယ်။

သူတို့ အဘိုးအဘွားတွေက အရမ်းကို ဂုဏ်ယူစရာကောင်းတယ်။ ကျနော်တို့တိုင်းပြည်ရဲ့  အဘိုးအဘွားတွေကတော့ သိတဲ့အတိုင်းပဲ။ ကျနော်တို့ကို ဆင်းရဲအောင်လုပ်ခဲ့တယ်။ သူတို့ အဘိုးအဘွားတွေက သူတို့ချမ်းသာအောင်လုပ်ပေးခဲ့တယ်။ ဆိုတော့ သူတို့လူကြီးတွေက ဂုဏ်ယူစရာအရမ်းကောင်းတယ်ဗျာ။

ကျနော်တို့တိုင်းပြည်က ဘုရင်တွေကိုလည်းကြည့်ပါအုံး။ သမိုင်းတခုလုံးမှာ ကောင်းတဲ့ဘုရင်က လက်ချိုးရေလို့တယ်။ တခါလာလည်း စစ်တိုက်၊ တစ်ခါလာလည်း ဘုရားတည်ကျောင်းဆောက်။ ဒါနဲ့ပဲ အချိန်ကုန်နေခဲ့တယ်။ လူတွေရဲ့  အသိပညာကိုတိုးတက်အောင် လူတွေရဲ့ အကျင့်စာရိတ္တ ကောင်းအောင်နေထိုင်မပြကြဘူး။ မိန်းမတွေလည်း တစ်ပုံကြီးယူလို့ယူ။

ဘုရင်တွေအပြင် အစိုးရတွေလည်း ကြည့်ပါအုံး။ တချိန်လုံးကိုယ့်အချင်းချင်း ချ ဖို့လောက်စဉ်းစားနေတယ်။ သူများတိုင်းပြည်တွေ ဂလိုဘယ်လိုက်ဇေးရှင်းပြောနေတဲ့အချိန်၊ တတိယလှိုင်းနဲ့ လစ်ဘရယ်ဒီမိုကရေစီပြော နေတဲ့အချိန်မှာ ဆိုရှယ်လစ်စီးပွားရေးနဲ့တံခါးပိတ်မှုဝါဒသုံးလို့သုံး။ သူများတွေ ခရက်ဒစ်ကတ်နဲ့အွန်လိုင်းပေါ်ကနေ ဈေးဝယ်နေတဲ့အချိန်မှာ မြန်မာတွေကတော့ စုတ်ပြတ်နေတဲ့ငွေစက္ကူကို ကိုင်ပြီး ဈေးဝယ်နေရတုန်း။ သူများတွေက ကမ္ဘာကြီးပူနွေးလာပြီ၊ ကာဘွန်လျှော့ချမယ်၊ သဘာပတ်ဝန်းကျင်ကို ဦးစားပေးရမယ်လို့ပြောနေတဲ့အချိန်မှာ သူတို့က ရေကာတာတွေ ဆောက်လို့ဆောက်။ သစ်တောတွေကို ခုတ်လို့ခုတ်။ အကုန်လုံးသူများတိုင်းပြည်တွေနဲ့မတူတဲ့ ပြောင်းပြန်စနစ်တွေကိုပဲ လုပ်နေကြတယ်။

အခုလည်းကြည့် ဥပဒေပြုတဲ့အဆင့်မှာရှိသေးတယ်။ ဆွေးနွေးနေကြတဲ့အဆင့်မှာရှိသေးတယ်။ ဘာမှ လက်တွေ့အကောင်အထည်မဖော်ကြသေးဘူး။ တိုင်းပြည်ငြိမ်းချမ်းရေးရမှာကို အစိုးရအဆက်ဆက်က အသေကြောက်နေလားမသိဘူး။ ဘာဖြစ်လဲဗျာ....နိုင်ငံတကာနဲ့တန်းတူ မြန်မာတွေကိုလည်း အခွင့်အရေးပေးလိုက်ပေါ့။ အဓိကပြသနာက ကမ္ဘာ့ပေါ်မှာဖြစ်ပျက်နေတာတွေကိုအတုမယူတက်ကြဘူး။ ဒါ့ကြောင့်လည်းပဲ တိုင်းပြည်က အခုထက်ထိ ဒုံရင်းကဒုံရင်းဖြစ်နေတာပေါ့။

တကယ်တမ်း တိုင်းပြည်ရဲ့  ပြသနာကို ဖြေရှင်းချင်ရင် လွယ်လွယ်ပေးပဲ။ တစ်ရက်ထဲနဲ့တောင်ပြတ်တယ်။ လွှတ်တော်မှာ ဆွေးနွေးနေတာတောင် ကြာသေးတယ်။ ကျနော်သာဆိုရင် ဒီလိုလုပ်မယ်။

သူပုန်တွေကော၊ အစိုးရကော၊ အားလုံးသော နိုင်ငံရေးအင်အားစုတွေရဲ့  ကိုယ်စားလှယ်တွေလာကြ၊ ဆွေးနွေးကြ။ သူတို့ဆွေးနွေးချက်တွေကို တိုက်ရိုက်အသံလွှင့်ပေးမယ်။ ပြီးရင် ဆုံးဖြတ်ချက်ချ။ ဒါပဲ လုပ်ရမှာကိုများ ဒီလောက်ကြာရလားမသိဘူး။

မြန်မြန်လုပ်ကြပါဗျာ။


ရည်ညွန်း- http://www.australianhistory.org/landing



-- Thanks for sending!!!
Phone Kyaw

အာရှနေ၀န်းနီ ဆရာတော်ဦးဥတ္တမရဲ့ နယ်ချဲ့ဆန့်ကျင်ရေး မဟာဗျူဟာ အတွေးအမြင်များ အရှင်ခေမာစာရ (ရဟန်းပျိုသမဂ္ဂ)

စာရေးသူအနေနဲ့တော့ ဆရာတော်ဦးဥတ္တမကို မြင်ဖူးတွေ့ဖူးခြင်းကားမရှိပါ။ ဒါပေမယ့် ဆရာတော်ရဲ့ စာ၊ ဆရာတော်ရဲ့ စကား၊ ဆရာတော်ရဲ့ တရား၊ ဆရာတော်ရဲ့ စကား၊ ဆရာတော်ရဲ့ အကြောင်း၊ ဆရာတော်ရဲ့ လုပ်ဆောင်ချက်၊ ဆရာတော်ရဲ့ ဖြစ်စဉ် သမိုင်းတွေနဲ့ ပတ်သက်လို့ လေ့လာဖတ်ရှုမှတ်သားရင်း “ ဆရာတော်ရဲ့ နယ်ချဲ့ဆန့်ကျင်ရေး တော်လှန်ရေးမဟာဗျူဟာအတွေးအမြင်” တွေကိုတော့ သိခွင့်ရပြီး တအံ့တသြဖြစ်ခဲ့မိတာကတော့ အမှန်ပါပဲ။
ဆရာတော်ဦးဥတ္တမ ဆန့်ကျင်တော်လှန်ခဲ့ရတဲ့ “နယ်ချဲ့” ဆိုတာ သေးသေးမွှားမွှားပါးပါးကလေးမဟုတ်ဘူး။ “နေမ၀င်အင်ပါယာပိုင် ရှင်” လို့ တင်စားခံရတဲ့ ကမ္ဘာပတ်ပြီးအုပ်ချုပ်နေတဲ့ အင်္ဂလိပ်တွေဖြစ်တယ်။ အဲဒီအင်္ဂလိပ်တွေဟာ ဆရာတော်ဦးဥတ္တမ မရှိခင်ကပင် ကမ္ဘာ ကြီးကိုပတ်ပြီး အုပ်ချုပ်နေပြီ။ အာရှတိုက်၊ အာဖရိကတိုက်၊ သြစတေးလျတိုက်၊ အမေရိကတိုက်နဲ့ နယူးဇီလန်ကျွန်းတွေကို စီးထားနေပြီ၊ ဘယ်တိုက် ဘယ်မြေမှ မကျန်ဘူး၊ မလွတ်ဘူး။ အင်္ဂလိပ်ကိုလိုနီတွေဖြစ်နေတာကို တွေ့ရမှာဖြစ်တယ်။ ဥရောပလိုနေရာမျိုးမှာတောင် ဧရာမ စစ်ပွဲကြီးတွေ ဆင်နွှဲနေပြီ။ ထိုးစစ်၊ ခုခံစစ် စစ်ပွဲတွေ အတော်ကလေးပြင်းထန်နေတာတွေ့ရမယ်။ 1993 ခု ဂျာမနီကိုရောက်တော့ ဂျာမန်နဲ့ အင်္ဂလိပ်တိုက်ပွဲဖြစ်ပွားရာ “ရိုင်းမြစ်” ကို ဖြတ်ထိုးထားတဲ့ တံတားတခုဆီကို ရောက်ဖြစ်ပါတယ်။ လိုက်ပို့ပေးတဲ့ ဂျာမန်က “ဒီနေရာမှာ အ သေအလဲဆော်ခဲ့ကြတာပေါ့” ဆိုပြီး ပြောပြလို့ သိခဲ့ရတယ်။ တံတားတခုလုံး သုံးစားမရအောင် ကျေမွနေတယ်။ ဂျာမန်တွေ စစ်ရှုံးခဲ့ပြီး အင်္ဂလိပ်နဲ့ မဟာမိတ်တွေရဲ့ အုပ်ချုပ်မှုအောက် ရောက်ခဲ့ရတယ်။ ဆိုလိုတာကတော့ အင်္ဂလိပ်တွေဟာ ဥရောပသားအချင်းချင်းတောင် မချန် ဘူး၊ မညှာဘူး၊ ကိုလိုနီလုပ်ပစ်လိုက်တယ်။
ပြီးတော့ ဧရာမကြီးမားတဲ့ အိန္ဒိယတို့ တရုတ်တို့ကိုလည်း စိတ်ကြိုက်အုပ်ချုပ်ထားနိုင်သလို သြစတေးလျတိုက်၊ နယူးဇီလန်၊ အမေရိက၊ ကနေဒါတို့ကိုလည်း ၀င်ရောက်ခြယ်လှယ်စိုးမိုးထားတဲ့ နိုင်ငံတခုပါ၊ ဒီနေ့ နိုင်ငံလို့ ဖြစ်နေကြ၊ ခေါ်နေကြရတဲ့ တချိန်က အင်္ဂလိပ် အုပ်ချုပ်ခံနယ်မြေတွေဟာ အရေအတွက်အားဖြင့် မနည်းဘူး။ ဓနသဟာယဆိုတာတောင် နိုင်ငံပေါင်း (40) ကျော်တယ်။ မနည်းဘူး။ ဗြိတိန် ဘုရင်မသြဇာခံနိုင်ငံဆိုတာလဲ ရှိသေးတယ်။ ဒါကြောင့်မို့လို့ အုပ်ချုပ်ခံနယ်မြေများလို့ ကမ္ဘာတပတ်ရှိနေလို့ “နေမ၀င်အင်ပါယာပိုင်ရှင်” လို့ အင်္ဂလိပ်တွေကို ခေါ်နေရတာဖြစ်တယ်။ ဒါဟာ ဆရာတော်ဦးဥတ္တမ တော်လှန်ဆန့်ကျင်ခဲ့ရတဲ့ အင်္ဂလိပ်အကြောင်း နည်းနည်းကလေးပါပဲ။
ဒီလို နေမ၀င်အင်ပါယာပိုင်ရှင် အင်္ဂလိပ်တွေကို ဆန့်ကျင်တော်လှန်ဖို့ဆိုတာ လွယ်ပါ့မလား။ ခေါင်းပေါက်အောင်စဉ်းစားတောင် အဖြေထွက်ပါ့မလား။ ဆရာတော်တို့ခေတ်က ပြောတဲ့စကားနဲ့ပြောရရင် “အင်္ဂလိပ်အရှင်သခင်တွေကို တော်လှန်ဆန့်ကျင်မယ်ဆိုရင် ကိုယ့် သေတွင်း ကိုယ်တူးတာပဲ” ဆိုတဲ့စကားအတိုင်းပါပဲ မလွယ်ဘူး။
နောက်ပြီး ပညာရေးကိုလည်း ထိန်းချုပ်ထားတယ်။ ပညာမရှိတော့ ထူနေအောင် “အ” နေအောင်ပေါ့။ ပညာမရှိတော့ “တော်လှန် ရေး” ဆိုတာ မရှိနိုင်တော့ဘူးပေါ့။
ဆရာတော်ဦးဥတ္တမဟာ ရခိုင်လူမျိုးဖြစ်တဲ့အတွက် “အင်္ဂလိပ်အုပ်ချုပ်ခံ ကိုလိုနီဖြစ်တယ်” ၊ “အင်္ဂလိပ်ကျွန်ဖြစ်တယ်” ။ ”ရခိုင်လူမျိုး” ဆိုတာ ဟိုးရှေးရှေးက ကျောက်ခေတ်အခါကပင် မြို့ပြယဉ်ကျေးမှုအဆင့် ရှိခဲ့ပြီး နှစ်ပေါင်း 5000 (ငါးထောင်) ကျော် ကိုယ့်မင်းကိုယ့်ချင်းနဲ့ လွတ်လပ်တဲ့ ကိုယ်ပိုင်နိုင်ငံနဲ့နေလာခဲ့တယ်ဆိုတာ မငြင်းနိုင်ဘူး။ အင်္ဂလိပ်၊ ရုရှတွေနဲ့ ယဉ်ကျေးမှုစင်ပြိုင်ဖြစ်ခဲ့သလို စီးပွားရေးလည်း ပြိုင်ခဲ့ ကြတဲ့ လူမျိုးတွေပါ။ ဒွါရာဝတီခေတ်၊ ဓည၀တီခေတ်၊ ဝေသာလီခေတ်၊ လေးမြို့ခေတ်ဆိုပြီး ပဒေသရာဇ်ခေတ်အဆက်ဆက်မှာ စစ်အင်အား ကောင်းခဲ့တော့ ဥရောပသားတွေ မတိုးနိုင်ခဲ့ဘူး။
ဒါပေမယ့် 1784 ခုနှစ် နောက်ပိုင်းလောက်မှာတော့ ရခိုင်တွေဟာ “အကျခေတ်” ရောက်သွားပြီလို့ ပြောနိုင်တယ်။ ပဒေသရာဇ်ခေတ် မှ ပြည်သူ့အစိုးရပြောင်းဖို့ကြိုးစားရာက ခြေချော်လက်ချော်ဖြစ်ခဲ့ရပြီး နိုင်ငံကို မထိန်းနိုင် မသိမ်းနိုင်ဖြစ်ခဲ့ရတယ်လို့ သုံးသပ်နိုင်ပါတယ်။ အဲဒီ ခေတ်ဟာ အမေရိကန်တို့အစပျိုးတဲ့အချိန်၊ သမ္မတစနစ်ထူထောင်စ သမ္မတ၀ါရှင်တန်ခေတ် ဖြစ်တယ်။ ရခိုင်တို့ရဲ့နောက်ဆုံးဘုရင်ကတော့ “မဟာသမ္မတရာဇာ” ဖြစ်တယ်။
ရခိုင်တွေဟာ ပျက်စီးယိုယွင်းနေတဲ့ နိုင်ငံတော်ရဲ့အခြေအနေကို တည့်မတ်ဖို့ကြိုးစားရာက အိန္ဒိယမှာ ရောက်နေပြီဖြစ်တဲ့ ဥရောပ သား အင်္ဂလိပ်တွေနဲ့ ပေါင်းမိသွားတာပါ။ ခရာဇ်သက္ကရာဇ် 1750 ခုနှစ် ၀န်းကျင်လောက်မှာ ဖြစ်တယ်။ ရခိုင်တွေဟာ ဥရောပသား အင်္ဂလိပ် တွေကို အထင်ကြီးလို့ပေါင်းခဲ့တာမဟုတ်ဘူး။ လုံးဝအထင်မကြီးဘူး။ ရခိုင်တွေ အပူတပြင်းလိုအပ်နေတဲ့ နိုင်ငံရေး၊ စစ်ရေး ကိစ္စတွေကြောင့် သာ အင်္ဂလိပ်တွေကို ပေါင်းခဲ့ရတာဖြစ်တယ်။ အဲဒီလိုပေါင်းခဲ့ရပေမယ့် ရခိုင်တွေက သတိရှိတယ်။ ကတိက၀တ်စာချုပ်စာတန်းတွေနဲ့ ပေါင်း တာ ပြုတာကြည့်တော့ အတော်ကလေးသတိထားပုံရတယ်။ အစပိုင်းကတော့ ရခိုင်တွေယုံကြည်လာအောင် ရခိုင်တွေလိုအပ်နေတဲ့ စစ်ရေး၊ နိုင်ငံရေး အထောက်အကူတွေ အင်္ဂလိပ်ကပေးတယ်။ နောက်ပိုင်းတော့ မဟာမိတ်ကောင်းစိတ်ဓါတ် မပြသတော့ဘူး။ ကိုလိုနီဇာတိ ရုပ်ပုံလွှာ တဖြည်းဖြည်းချင်းပေါ်လာတာကို တွေ့ရတယ်။ ရခိုင်မင်းညီမင်းသားတွေက မူမမှန်တော့တဲ့ အင်္ဂလိပ်အခြေအနေကိုသိလာတော့ အင်္ဂလိပ် ကိုတိုက်ဖို့ပြင်လာတာကို တွေ့ရတယ်။
ဒါပေမေယ့် ရခိုင်တွေဘက်မှာ နိုင်ငံရေးကိုဦးဆောင်ရတဲ့ မင်းညီမင်းသားတွေနဲ့ စစ်ရေးကိုဦးဆောင်ရတဲ့ ဗိုလ်ချုပ်စံရဗွီတို့လို ပုဂ္ဂိုလ် တွေနဲ့ အင်္ဂလိပ်တိုက်ရေးကိစ္စမှာ အမြင်ချင်းမတူကြတဲ့အတွက် အင်္ဂလိပ်က အသာတကြည်ကောက်စားသွားနိုင်ခဲ့တယ်လို့ ဆိုနိုင်တယ်။ ဘာ ကြောင့်လဲဆိုတော့ စစ်ဘက်အကူအညီနဲ့ ရခိုင်မင်းညီမင်းသားတွေကို ဖမ်းဆီးနိုင်ခဲ့လို့ပါပဲ။ အင်္ဂလိပ်တွေဟာ လက်မြန်ခြေမြန်ပါပဲ။ ရခိုင်မင်း ညီမင်းသားတွေကို ဒက္ကားထောင်မှာထားလိုက်ပြီး ရခိုင်နိုင်ငံတော်ရဲ့ ပထ၀ီကိုလဲ (3) ပိုင်း ပိုင်းထားလိုက်တယ်။ တပိုင်းကတော့ ဘင်္ဂလား ဒေ့ရ်ှဘက်မှာ၊ တပိုင်းကတော့ အိန္ဒိယဘက် မှာ ၊ တပိုင်းကတော့ ပင်လုံစာချုပ်အရပေါ်လာတဲ့ ယခုမြန်မာနိုင်ငံဘက်မှာပါ။
ဒီ ရခိုင်နဲ့ အင်္ဂလိပ်ဆက်ဆံရေးမှာ ရခိုင်တွေက စစ်ရေး၊ နိုင်ငံရေးအရ အသုံးချခဲ့သလို၊ အင်္ဂလိပ်တွေကလည်း ကိုလိုနီအတွက် ရခိုင် ကို အသုံးချနိုင်ခဲ့တယ်။ ရခိုင်တွေကို အင်္ဂလိပ်က တိုက်ရိုက်ခန့်တဲ့ “ရခိုင်တိုင်းမင်းကြီး” အဆင့် အုပ်ချုပ်ရေးလောက်နဲ့ ထားလိုက်ပြီး၊ အဲဒီ တိုင်းမင်းကြီးတွေကို “မော်ဖူးစေ၊ ဘုရားထူးခံ” လုပ်ပစ်လိုက်တယ်။ တချိန်က ရခိုင်နန်းတွင်းထဲမှာ ဥရောပသားတွေကို ရခိုင်တွေက “မော်ဖူး စေ၊ ဘုရားထူးခံ” လုပ်ထားခဲ့တယ်မဟုတ်လား။ ဘာပဲပြောပြော ဒီပွဲမှာတော့ ရခိုင်တွေ “ဘုံးဘုံးလဲ” ရှုံးခဲ့ရတဲ့ပွဲလို့ ပြောလို့ရပါတယ်။
ဒီတော့ ဆရာတော်ဦးဥတ္တမကို မွေးဖွားပေးခဲ့တဲ့နေရာဟာ အင်္ဂလိပ်တွေ ရခိုင်ကို လုံးဝသိမ်းပိုက်ပြီးတဲ့နောက် တည်ထောင်ခဲ့တဲ့ “စစ် တွေ” ဖြစ်တယ်။ “စစ်တွေ” ဟာ အင်္ဂလိပ်ကိုလိုနီမြို့လေးတမြို့။ ဒါကြောင့်မို့လို့ ဆရာတော်ဦးဥတ္တမဟာ အင်္ဂလိပ်တွေရဲ့ “ကိုလိုနီကျွန်” တ ဦး။ ဆရာတော်ဦးဥတ္တမဟာ ရခိုင်လူမျိုးတို့ရဲ့ သမိုင်းရေစီးကြောင်းကို မသိဘဲမနေဘူး။ ဒါတင်မက ရခိုင်နဲ့ဆက်စပ်တဲ့ ပင်လုံစာချုပ်ဝင်လူမျိုး တွေရဲ့ အခြေအနေကို မသိဘဲမနေဘူး။ ဒီလူမျိုးတွေ ကိုလိုနီနယ်ချဲ့လက်အောက်ကလွတ်မြောက်ဖို့ဆိုတာ ဒီလူမျိုးတွေ နိုးကြားလာရုံ၊ တော် လှန်လာရုံနဲ့ မဖြစ်နိုင်ဘူး။ မရဘူး။ သူ့အား ကိုယ့်အား ချိန်ဆနိုင်တဲ့ ခိုင်မာတဲ့မဟာဗျူဟာတရပ်ဟာ အမှန်တကယ်လိုအပ်တယ်ဆိုတာ စဉ်း စားခဲ့ပုံရပါတယ်။
ဒါကြောင့်မို့လို့ ဆရာတော်ဦးဥတ္တမဟာ အိန္ဒိယမှာ တော်လှန်တဲ့အင်အားစုတွေရဲ့ အဓိပတိအဖြစ်ခံယူခဲ့တယ်။ ပြီးတော့ တရုတ်ပြည် တော်လှန်ရေးခေါင်းဆောင် “ဆွန်ယက်ဆင်” နဲ့ ပူးပေါင်းခဲ့တယ်။ ဆရာတော်ဟာ ဂျပန်လူမျိုးတွေရဲ့ အခန်းကဏ္ဍကိုလဲ မေ့မထားဘူး။ ဂျပန် အားကိုလည်း ရယူခဲ့တယ်။ နောက်ပြီး သေးငယ်တဲ့ အင်္ဂလိပ်နယ်ချဲ့ဆန့်ကျင်ရေးအင်အားစုတွေကိုလည်း ရနိုင်သလောက်စုစည်းနိုင်ခဲ့တယ်။ ပြီးတော့မှ မြန်မာနိုင်ငံထဲကို ပြန်ကြွလာပြီး လူထုတိုက်ပွဲတော်လှန်ရေးကို ဖော်ထုတ်ခဲ့တယ်လို့ ဆိုရမှာဖြစ်တယ်။ ဆရာတော်ဦးဥတ္တမဟာ မြန်မာနိုင်ငံမှာ တော်လှန်ရေးကိုစတင်လိုက်တယ်ဆိုပေမယ့် ကြိုးနီစနစ်နဲ့မနေဘူး။ မြို့ပြနဲ့ ကျေးလက်တွေမှာ ရှေ့တန်းကျကျဦးဆောင်လှုပ် ရှားခဲ့တယ်။ လူထုထဲမှာ အမြဲတမ်းရှိတယ်။ အပင်ပန်း အဆင်းရဲခံတယ်။ ထောင်ကျရဲတယ်။ ဆရာတော်ဦးဥတ္တမ နှစ်တရာပြည့်ကာလက စာ ရေးသူကိုယ်တိုင် ဆရာတော်သီတင်းသုံးခဲ့တဲ့ကျောင်းတွေကို လေ့လာခဲ့တယ်။ ဒီကျောင်းတွေဟာ အားလုံးရိုးရိုးသစ်သားကျောင်းတွေပါပဲ။ ဘာမှ အဆောင်အယောင်မရှိဘူး။ သခင်လွင်နဲ့ အဲဒီတုန်းက ဆုံဖြစ်တော့ မေးကြည့်ပါတယ်။ သခင်လွင်ကိုယ်တိုင်က ချီးကျူးပြောဆိုတာတွေ ကြားခဲ့ရတယ်။
ဆရာတော်ဦးဥတ္တမဟာ လူထုတိုက်ပွဲ နယ်ချဲ့ဆန့်ကျင်ရေးဖော်ထုတ်တဲ့နေရာမှာ အင်မတန်ပါးနပ်တဲ့ နည်းဗျူဟာတွေကို သုံးခဲ့တာ တွေ့ရတယ်။ နိုင်ငံရေးသက်သက်သာ ဟောမယ်ပြောမယ်ဆိုရင် နိုးကြားမှုကြာကောင်းကြာနိုင်မယ်။ ဒါကြောင့်မို့လို့ တချို့နေရာတွေမှာ ဘာ သာရေးနွယ်တဲ့ ဟောပြောမှုတွေကိုလုပ်တယ်။ ထောင်ထဲမှာ သင်္ကန်းဝတ်ရုံခွင့်မရတာကို လူထုကိုချပြတယ်။ ဒီလိုနည်းဗျူဟာအမျိုးမျိုးတွေကို ဖော်ထုတ်အသုံးချတိုက်ပွဲဝင်ခဲ့လို့လည်း နယ်ချဲ့ဆန့်ကျင်ရေးစိတ်ဓါတ်တွေ တောမီးပမာ အမြန်အလျှင် ပြန့်နှံ့သွားတယ်လို့ ပြောနိုင်လိမ့် မယ်။
ဆရာတော်ဦးဥတ္တမဟာ မြန်မာနိုင်ငံတွင်းမှာ အဲဒီလို နယ်ချဲ့ဆန့်ကျင်ရေးတော်လှန်ရေး စတင်လိုက်တဲ့အချိန်မှာ အိန္ဒိယတို့၊ တရုတ် တို့၊ အင်ဒိုချိုင်းနားတို့တွေမှာလည်း နယ်ချဲ့ဆန့်ကျင်ရေးတော်လှန်ရေး ပြင်းထန်နေပြီ။ အင်မတန် အချိတ်အဆက်မိမိ ချိန်ကိုက်လုပ်နိုင်တဲ့ပွဲ လို့ ဆိုရပါလိမ့်မယ်။
အဲဒီခေတ်က “ကရက်ဒေါက် ထွက်သွား” ဆိုတဲ့ ရာဇသံဟာ စစ်တွေမြို့က အရှင်သခင်အင်္ဂလိပ်ခန့်ထားတဲ့ ရခိုင်တိုင်းမင်းကြီးကပဲ အ ထိတ်တလန့်ဖြစ်သွားတာမဟုတ်ဘူး။ အင်္ဂလိပ်ကိုလိုနီတခုလုံးတုန်လှုပ်စေခဲ့တဲ့ “ရာဇသံ” ဖြစ်တယ်။ ပထမတော့ ဆရာတော်ဦးဥတ္တမဟာ သာမန်မီးပွားကလေးတခု ဖြစ်ကောင်းဖြစ်ပါလိမ့်မယ်။ ဒါပေမဲ့လို့ နယ်ချဲ့အင်္ဂလိပ်တွေအဖို့ အများကြီးပြင်ဆင်ချိန်နောက်ကျနေပါပြီ။ နယ်ချဲ့ အင်္ဂလိပ်တွေ နေရာအနှံ့မှာ ဆန့်ကျင်တော်လှန်ခံနေရပြီ။ ဒါတွေဟာ ဆရာတော်ဦးဥတ္တမရဲ့ ကျယ်ပြန်တဲ့မဟာဗျူဟာကို ရှေးဦးမှာ အင်္ဂလိပ် တွေ မရိပ်စားမိခဲ့တဲ့ “အပြစ်” လို့ ပြောလို့ရမယ်ထင်ပါတယ်။
အခြေအနေမှန်ကို သိအောင်လေ့လာပြီး မဟာဗျူဟာအရ ဘာလုပ်ရမယ်၊ ဘယ်လိုလုပ်ရမယ်ဆိုတာကို သိမြင်တတ်တဲ့ တိဟိတ် ဥာဏ်ရှင် အာရှနေ၀န်းနီ ဆရာတော်ဦးဥတ္တမ မထေရ်မြတ်အား ဆရာတော်ဘုရားရဲ့ ( ) မြောက် မွေးနေ့မှာ ဒီဆောင်း ပါးဖြင့် ကန်တော့လိုက်ပါတယ်။

အရှင်ခေမာစာရ (ရဟန်ပျိုသမဂ္ဂ)

ဆံပင်အကြောင်းသိကောင်းစရာ

ဆံပင်အကြောင်း သိကောင်းစရာ

၁။ ဆံပင်အဖျားတွေ တိပေးရင် ဆံပင်ရှည်နှုန်းမြန်စေသလား။

မဟုတ်ပါဘူး။ ဆံပင် အဖျား တိတိ၊ မတိတိ ဆံပင်အရှည် တစ်လကို လက်မဝက် လောက် ပိုတိုး လာလေ့ရှိပါတယ်။ နွေရာသီမှာ ဆံပင်ရှည်နှုန်း ပိုမြန်တတ်ပါတယ်။ ဆံပင်တိပေးလို့ ရှည်လာတာ မဟုတ်ပါဘူး။ ဟော် မုန်း တွေကြောင့်ပါ။ ဆံပင် တိပေးခြင်းအားဖြင့် ဆံပင် နှစ်ခွဖြစ်တာ ကိုသာ ဖယ်ရှားပေးပြီး ဆံပင် ကျန်းမာ လှပစေနိုင်ပါတယ်။

၂။ စိတ်ဖိစီးမှုက ဆံပင် ပိုကျွတ်စေနိုင်သလား။

ဆံပင်တွေဟာ အချိန်တိုင်း လိုလို ကျွတ်နေတတ်ပြီး ပုံမှန်အနေနဲ့ တစ်နေ့ကို ဆံပင်ပေါင်း ၅၀မှ ၁၂၀ ချောင်းကြား ကျွတ်လေ့ရှိပါတယ်။ သင့်ဘဝအတွက် ကြီးကျယ်တဲ့ ပြောင်းလဲမှုတွေ (ဥပမာ-အိမ်ထောင်ပျို ကွဲခြင်း၊ အလုပ်ပြုတ်ခြင်း၊ ခွဲစိတ်ကုသမှု ခံယူခြင်း) တို့ကြောင့်အလွန်အ မင်း စိတ်ဖိစီးမှု ခံနေရပါက ဆံပင် ပိုကျွတ်လာနိုင်ပါတယ်။ ဆံပင်ကျွတ်ရ ခြင်းရဲ့တခြားအကြောင်းတွေကတော့ ကိုယ်ဝန်ဆောင်ခြင်းနဲ့ ပဋိဇီဝပိုး သတ်ဆေးတို့ကြောင့်ပဲ ဖြစ်ပါတယ်။

၃။ ခေါင်းလျှောက်ရည်တွေ ပြောင်းသုံးပေးရင် ဆံပင်ပိုကျန်းမာ သန်စွမ်းလာနိုင်သလား။

ဆံပင်ရှည်တွေကတော့ ခေါင်းလျှောက်ရည်တွေကို ဒီနေ့ တစ်မျိုး၊ နောက်နေ့တစ်မျိုး ခဏခဏ ပြောင်းသုံးတာကို အားမပေးပါဘူး။ သင် သုံးနေတဲ့ ခေါင်းလျှော်ရည်နဲ့ အဆင်မပြေတာတွေ (ဥပမာ-ဆံပင်ကျွတ် ခြင်း၊ ဗောက်ထခြင်း)ဖြစ်မှ တံဆိပ် ပြောင်းသုံးသင့်ပါတယ်။ ဗောက်ထ တတ်တဲ့ သူဆိုရင်လည်း ဗောက် ပျောက်တဲ့ ခေါင်းလျှော်ရည်ကို တစ်ပတ် တစ်ခါ၊ နှစ်ပတ် တစ်ခါလောက်တော့ ပြောင်းသုံးသင့်ပါတယ်။ ပုံမှန်အနေ နဲ့တော့ ကိုယ်နဲ့ အဆင်ပြေတဲ့ ခေါင်းလျှော်ရည် တစ်မျိုးတည်းကိုသာ စွဲစွဲ မြဲမြဲ သုံးသင့်ပါတယ်။

၎။ ဆံပင်ဖြူတစ်ချောင်း နှုတ်ရင် နောက်ထပ်ဆံပင်ဖြူ နှစ်ချောင်း သုံးချောင်း အစားထိုး ပေါက်လာတတ်သလား။

မဟုတ်ဘူးဆိုပေမယ့် ဆံပင်အဖြူကိုဆွဲနုတ်တာ မကောင်းတဲ့အ ကျင့်ပါ။ ဆံပင်အမြစ်တွေကိုဖျက်ဆီးလိုက်သလိုဖြစ်ပြီး ရောဂါပိုးတွေ ဝင်လာနိုင်ကာ အမာရွတ်ကျန်စေနိုင်ပါတယ်။

၅။ ဆံလုံး သေးပြီးပါးတဲ့ ဆံပင်ကို ဆံပင် အုံထူအောင် လုပ်လို့ ရ သလား။

အမြင် အားဖြင့်တော့ အုံထူတဲ့ ပုံစံဖြစ်အောင်တော့ အုံထူတဲ့ ပုံစံ ဖြစ်အောင် လုပ်နိုင်ပါတယ်။ ဆံပင်အလိပ်နဲ့ အပူပေးကာ ဖွလိုက်ရင် ငါးမိနစ်အတွင်း ဆံပင်အုံထူထူလေး ဖြစ်လာနိုင်ပါတယ်။

၆။ သန့််ရှင်းစင်ကြယ်တဲ့ ဆံပင်ရဖို့ ခေါင်းလျှော်ရာမှာ နှစ်ခါပြန် လျှော်သင့်သလား။

မလိုပါဘူး။ ဆံပင်အနှံ့ ခေါင်းလျှော်ရည် ထည့်ကာ အသေအချာ ခေါင်းလျှော်လိုက်ရင် တစ်ခါတည်းနဲ့ သန့်ရှင်းသွားပါလိမ့်မယ်။

၇။ ခေါင်းလျှော်ပြီး အရမ်းအေးတဲ့ ရေနဲ့ ဆေးချလိုက်ရင် ဆံပင် သားတောက်ပြောင်သွားနိုင်ပါသလား။

သင့်အနေနဲ့ အိပ်ချင်တော့ ပြေသွားပေမယ့် ရေခဲရေနဲ့ ဆံပင်သား တောက်ပြောင်တာ အဆက်အစပ် မရှိဘူးလို့သာ ဆိုပါရစေ။

၈။ ဆံပင် နှစ်ခွကွဲတာ ပျောက်ဆေး ရှိလား။

ဆံပင်နှစ်ခွကွဲတာ မမြင်ချင်ရင် ညှပ်ပစ်ဖို့ပဲ ရှိပါတယ်။ ဆံပင် နှစ်ခွ ကွဲပြီးသားကို ပျောက်အောင် လုပ်ဖို့ မဖြစ်နိုင်ပေမယ့် နှစ်ခွ မကွဲအောင် ကာကွယ်လို့ ရပါတယ်။ ခြောက်သွေ့ပျက်စီးနေတဲ့ ဆံကေသာအတွက် ထုတ်လုပ်ထားတဲ့ ခေါင်းလျှော်ရည်ကိုသာ ရွေးသုံးသင့်ပါတယ်။

၉။ ဆံပင် အရောင် ဆိုးခြင်းဟာ ဆံပင်ကို ပျက်စီး စေတဲ့ အဓိက အကြောင်းအရင်းလား။

အခုနောက်ပိုင်း ထွက်ရှိလာတဲ့ ဆံပင် ဆိုးဆေးတွေဟာ သိပ်မပြင်း တော့တဲ့အတွက် ဆံပင်အသားကို ထင်သလောက် မပျက်စီးစေနိုင်ပါဘူး။ ဆိုးဆေး အကောင်းစားကို ရွေးသုံးဖို့တော့ လိုပါတယ်။ ဆံပင်ဆေးဆိုး တာထက်စာရင် ဖြောင့်တာတို့၊ ကောက်တာတို့ လုပ်တာက ဆံပင်ကို ပို ပျက်စီးစေပါတယ်။

၁၀။ နေ့စဉ်အကြိမ် တစ်ရာလောက် ခေါင်းဖြီးလျှင် ဆံပင် သန်စေ နိုင်သလား။

မဟုတ်ပါဘူး။ ဆံပင် သပ်ရပ်နေအောင် ခေါင်းဖြီးသင့်ပါတယ်။ ဆံပင်သန်တာနဲ့ ဘာမှ မဆိုင်ပါဘူး။ ခေါင်း အရမ်း ဖြီးလွန်းမှ ဆံပင်တွေကို အမြစ်ကနေ ဆွဲလိုက်သလို ဖြစ်ပြီး ဆံပင်အားတောင် နည်းသွားစေနိုင် ပါတယ်။

ဆံပင်ကျန်မာရေးနဲ့အလှအပကို မိန်းကလေးအများစုဂရုစိုက်ကြပါတယ်... ဆံပင်အလှအပကိုစိတ်ဝင်စားသူများအတွက်ပါ။ လှပသောဆံကေသာများပိုင်ဆိုင်ကြပါစေ...။


မြတ်နိုးသူ သြဂုတ်လ 24, 2011 6:59pm

လစ်ဗျားမှာ အောင်ပွဲရနေတဲ့ သူပုန်တွေက နယ်မြေ ၉၀% အထိ ထိန်းချုပ်နိုင်ပြီဆိုပေမယ့် လစ်ဗျား ခေါင်းဆောင်ကြီး ကဒါဖီကို ဖမ်းမမိသေးပါဘူး။ ဒီလူကြီး ဘယ်မှာ ပုန်းနေသလဲ၊
မြို့တော်မှာပဲ ရှိနေသလား၊
ရုပ်ပြောင်းရုပ်လွဲလုပ်ပြီး သူပုန်တွေကြားထဲ ခပ်တည်တည် နေနေသလား မသိရပါ။

ကဒါဖီကို ထောက်ခံတဲ့ စစ်သားတွေက ကြံ့ကြံ့ခံ ခုခံနေဆဲပါ။ ခုခံမှုတွေ ပြင်းထန်လွန်းလို့ သူပုန်တွေက အပြီးသတ်အောင်ပွဲမခံနိုင်သေးပါဘူး။
ဒီလူကြီးရဲ့ အမြီးကို မဆုပ်ကိုင်သေးသမျှတော့ အောင်ပွဲရပြီ မပြောနိုင်သေးဘူးပေါ့။

ဒီလူကြီးကို ဖမ်းမိရင် ဒေါ်လာ ၂ သန်းနီးပါး ဆုချမယ် တဲ့။ အင်း - မက်လောက်စရာ ငွေပမာဏ ဆိုပေမယ့် ဒီခေတ် ကုန်ဈေးနှုန်းနဲ့ ဆိုရင် ဒါက များတယ် လို့တော့ ပြောလို့ မရပြန်ဘူး။

ဒီလူကြီး အဖမ်းခံရရင်တော့ သူ့ကို ၂ နေရာ ပို့လို့ရပါတယ်။ နိုင်ငံတကာ ရာဇ၀တ်ခုံရုံးက သူ့အတွက် နေရာ စီစဉ်ထားသလို သူပုန်ခေါင်းဆောင်တချို့ကလည်း သူ့ကို လစ်ဗျားမှာပဲ ခုံရုံးတင်ချင်တယ် တဲ့။

ဒီတော့ ကဒါဖီကြီး လက်ရှိနေရာမှာ ဟန်မကျဘူး ဆိုရင် ပိုပြီး လုံခြုံတဲ့နေရာကို ပြေးရမှာပါ။ ဘယ်နေရာကို ပြေးမလဲ။

အီရတ်လား ??? မဖြစ်နိုင်ဘူး။ သူ့မိတ်ဆွေ ဆက်ဒမ်ဟူစိန်လည်း ဂန့်သွားပြီ။

မြောက်ကိုရီးယားရော ??? အင်း - အဲဒီကလည်း လက်ခံမယ် မထင်ဘူး၊ သူရော ကင်ဂျုံးအီးဆိုတဲ့ ငနဲရော စရိုက်တူတာများတယ်၊ ဖက်ရှင်ထွင်ပြီး အမျိုးမျိုး ၀တ်စား ဟန်ရေးပြတာလည်း တူတယ်၊ အသွင်တူလွန်းတော့ ဂူတဂူထဲ ၂ ကောင် အောင်းနိုင်မယ် မထင်ဘူး။

တရုတ်ပြည်မှာလည်း ကပ်နေလို့ မဖြစ်။ ကဒါဖီဆိုတဲ့ပုဂ္ဂိုလ်က အမျိုးသမီးဘော်ဒီဂတ်နဲ့ပဲ နေချင်တာ၊ တရုတ်ပြည်မှာက အမျိုးသမီး ဆိုတာ ရှားပါးနေပြီ။ ကျူးဘားသွားဖို့လည်း အမေရိကန်နဲ့ သိပ်နီးတော့ ဂွမ်းသွားမှာ သေချာတယ်။

ဒါဆို နေပြည်တော်မှာ ခိုလှုံခွင့်ယူမလား။ အင်း - ဖြစ်နိုင်ချေ ရှိတာပဲ။

နေပြည်တော်မှာ ဆိုရင် အာဏာရှင်တွေကို အကာအကွယ်ပေးထားတဲ့ ၂၀၀၈ အခြေခံဥပဒေလည်း ရှိနေတော့ လိုဏ်ထဲတောင် ၀င်စရာ မလိုဘူး။

ငပွကြီးအမေရိကန်ကို မျက်မုန်းကျိုးတာချင်းလည်း တူတော့ အတူနေလို့ ရမှာပါ။

တကယ်လို့များ ကဒါဖီက နေပြည်တော်မှာ ခိုလှုံခွင့် ယူလိုက်ရင် - - - ကောင်းတာတွေ အများကြီး ရှိပါတယ်။

လောလောဆယ် ပြည်တော်ပြန်မယ် မပြန်ဘူး ဖြစ်နေသူတချို့လည်း ဆုံးဖြတ်ချက် ခိုင်သွားမယ်။
အနောက်နိုင်ငံတွေလည်း မြန်မာပြည်စီးပွားရေးပိတ်ဆို့မှု ရုပ်သိမ်းရေး မရုပ်သိမ်းရေးကိစ္စ သိပ်ပြီး အငြင်းပွားဖို့ မလိုတော့ဘူး။

သတင်းသမားတွေလည်း ရေးစရာ အကွက် ရသွားမယ်။ဗိုလ်ချုပ်ကြီးတွေလည်း ကဒါဖီဆီမှာ အင်တန်းဝင်၊ လေ့လာနိုင်မယ် -
ဖက်ရှင်ဝတ်စုံအမျိုးစုံလင်စွာနဲ့ စတိုင်ကျကျ နေနည်း၊
အခုထက်ပိုပြီး ပေါက်ကရ လျှောက်ပြောနည်း စသဖြင့် စသဖြင့် တို့ကို သင်ယူနိုင်တာပေါ့။

ကဒါဖီသကောင့်သားကို ခိုလှုံခွင့်ပေးခြင်းအားဖြင့် အကြင်နာတရားကြီးမားပုံကို ပြသရာရောက်တယ်လို့လည်း ဘုရားဒကာဗိုလ်ချုပ်ကြီးတို့ တွေးနိုင်တယ်။

နိုင်ငံကို နှစ်ပေါင်းများစွာ ဘယ်လို ဒုက္ခပေးခဲ့ကြတယ် ဆိုတာကို ဗိုလ်ချုပ်ကြီးတွေနဲ့ အတူတူ စမြုံ့ပြန်နိုင်လို့
ကဒါဖီကလည်း မြန်မာပြည်ကို အရမ်း သဘောကျလိမ့်မယ်။

မြန်မာပြည်ဟာ လူသားတို့ စတင်ဖြစ်ထွန်းရာမြေ မဟုတ်လား။ ဒီလိုနေရာမှာ ခိုလှုံခွင့်ယူရတာ ငမိုက်သားကဒါဖီအတွက်တော့ ဂုဏ်ယူစရာပေပေါ့။ ။

လွတ်ငြိမ်းချမ်းသာခွင့်ပေးလည်း မပျော်နိုင်ပါ

လွန်ခဲ့တဲ့အပတ်က နို့ဘိုးဒုက္ခသည် စခန်းထဲမှာနေနေတဲ့ အမေနဲ့အဖေကို စကားပြောဖြစ်တယ်။ အမေ သားတို့ပြန်လို့ရပြီ။ အမေနဲ့အဖေလည်း ပြန်လို့ရပြီလို့ ပြောမိတယ်။ အမေက ပြောတယ်။ သူများတွေပြန်လည်း ငါတို့တော့ မပြန်ဘူး။ မဲ့ဆောက်ဈေးထဲမှာပဲ မုန့်ဟင်းခါးဆိုင်ဖွင့်ပြီး နေခဲ့မယ်တဲ့။

သူတို့အမြင်မှာ ရန်ကုန်ပြန်ရင် နေစရာအိမ်ကလည်းမရှိ။ လုပ်စားဖို့အတွက်လည်း အဆင်မပြေ။ ဒီတော့ သူတို့အတွက် အသင့်တော်ဆုံးက လက်ရှိအနေအထားပဲ။ ဒါ့ကြောင့် မဲ့ဆောက်က ပိုပြီးသူတို့အတွက် သင့်တော်တဲ့သဘောပါ။

ကျနော့်မိဘတွေအပြင် တခြားသူတွေရဲ့  ဘ၀တွေကို တွေးမိတယ်။ ဒုက္ခသည်စခန်းထဲမှာနေလာတာ ၁၀-နှစ်ကျော်နေပြီ။ ဒုက္ခသည်စခန်းနဲ့ ထိုင်းနိုင်ငံဟာသူတို့အတွက် ပိုပြီးသင့်တော်တယ်။ ဆန်ဆီးဆားငရုတ် အလကားရတယ်။ ဆေးကုတာအခမဲ့။ ကျောင်းတက်လည်း ငွေ မကုန်။ ပြည်တွင်း ပြန်တဲ့အခါ ဘယ်မှာ နေရမှန်းမသိတဲ့ဘ၀တွေ များတယ်။ ဘ၀သစ်ကို ပြန်ပြီး စရမယ်။

တကယ်လို့လွတ်ငြိမ်းချမ်းသာခွင့်သာကြေငြာလိုက်ရင် ဒုက္ခသည်တွေအားလုံး နိုင်ငံခြားကိုထွက်ဖို့ဆိုတဲ့ အခွင့်အလမ်းရမှာမဟုတ်တော့ဘူး။ တတိယနိုင်ငံထွက်ချင်လို့ ပြည်တွင်းက ရှိသမျှအိမ်တွေခြံတွေရောင်းပြီး ထွက်လာတဲ့လူတွေအတွက်တော့ လွတ်ငြိမ်းချမ်းသာခွင့်က တကယ့်သတင်းဆိုးပဲ။ နိုင်ငံခြားတိုင်းပြည်တွေ ကလည်း မင်းတို့အားလုံးပြန်လို့ရပြီဆိုတော့ ပြန်ကြပေါ့လို့ တိုက်တွန်းကြမှာပဲ။

ကောင်းပါတယ်။ ဒီအခွင့်အရေးက တစ်သက်မှာ တစ်ခါလောက်ရတဲ့အခွင့်အရေးဆိုတော့ ယူထား သင့်ပါတယ်။

လွတ်ငြိမ်းချမ်းသာခွင့်ပေးတာကို မပျော်တဲ့လူတွေထဲမှာလည်း နယ်စပ်က အန်ဂျီအိုနဲ့ ကြီးပွားနေတဲ့လူတွေ အဆင်ပြေနေတဲ့လူတွေလည်းပါနိုင်တယ်။ ကျနော့်အသိမိတ်ဆွေတွေထဲမှာ သူတို့ကိုသူတို့ညာနေတဲ့လူတွေ ရှိတယ်။ ကျနော်ပြောတယ်။ ခင်ဗျားတို့ ထိုင်းနိုင်ငံမှာနေပြီး အန်ဂျီအိုကျွေးတာကို စားနေကြတာဆိုတော့ တိုင်းပြည်ထဲပြန်ရင် ဘယ်မှာနေကြမလဲ။ ဘာလုပ်ကြမလဲ။ ပြည်တွင်းမှာလည်း အိမ်ပိုင်ယာပိုင်မရှိ။ စီးပွားရေးလုပ်ငန်းမရှိ။ လက်ရှိအနေအထားမှာလည်း ငွေကမချမ်းသာ။ အတက်ပညာဆိုလို့ ဆွေးနွေးပွဲမှာ ပွားနိုင်တဲ့အရည်အချင်းနဲ့ နိုင်ငံရေးအသိပညာပဲရှိတယ်။ အသက်မွေးဝမ်းကျောင်းပညာလည်း မတက်ကြဘူး။ ဒီလိုလူတွေက တော်လှန်ရေးလောကမှာအများကြီး။ အသက်တွေလည်း ကြီးလာကြပြီ။ သူများတွေလို ပင်ပင်ပန်းပန်း လုပ်ကိုင်စားသောက်နိုင်တဲ့ အင်အားမရှိကြဘူး။

နောက်ပြီး တစ်သက်လုံးနီးပါးနိုင်ငံရေး တော်လှန်ရေးလုပ်လာကြတော့ ဆန်မရှိပဲ အစားကြီးတဲ့ ဘ၀င်မြှင့်ချင်တဲ့စိတ်က ရှိနေတော့ သူများတွေလို ကူလီထမ်း၊ ဆိုက်ကားနင်းတဲ့ အလုပ်မျိုးလည်း လုပ်ချင်မှာမဟုတ်ကြဘူး။ ဒီလို ကျနော်ပြောတော့ သူတို့စိတ်အရမ်းဆိုးကြတယ်။ လက်ရှိကာလမှာ မျက်စိမှိတ်ပြီး လက်တွေ့ဘ၀ကို ငြင်းလို့မရပါ။ ဆိုတော့ လူအတော်များများက လွတ်ငြိမ်းချမ်းသာခွင့်ပေးပြီ ဆိုရင်တောင် ပြန်ကြမှာမဟုတ်ဘူးလို့ ထင်တယ်။ သူတို့အတွက် ရင်လေးမိတယ်။

နိုင်ငံခြားလည်း ထွက်ဖို့အခွင့်အလမ်းလည်းရမှာမဟုတ်တော့ဘူး။ နောက်ဆုံးတော့ သူတို့လုပ်ခဲ့တဲ့ အလုပ်အတွက်၊ ကိုယ်ကျိုးစွန့်တဲ့အတွက် ဘာများအကျိုးခံစားခွင့်ရှိလဲ။ နောက်ဆုံးတော့ အသက်ကြီးတာပဲအဖတ်တင်တယ်။ ဒါ့ကြောင့်ကျနော်ပြောတာပေါ့ သစ္စာတွေ မေတ္တာတွေ တော်လှန်ရေးတွေ နိုင်ငံရေးတွေဘယ်လောက်ပဲ ပြောပြော နောက်ဆုံးကိုယ့်ထမင်းကိုယ်ရှာစား
ရပါတယ်။

ဘုရားသုံးဆူဘက်မှာ ကျနော့်အသိမိတ်ဆွေတွေရှိတယ်။ သူတို့က အဖွဲ့အစည်းတွေမှာလုပ်ခဲ့ဘူးတယ်။ ရှေ့ တန်းစစ်မျက်နှာပြင်မှာ အသက်ကိုရင်းပြီးတိုက်ပွဲဝင်ခဲ့တယ်။ ငပိစားပြီး အခမဲ့ တော်လှန်ရေးတာဝန်ကို ထမ်းဆောင်ဘူးတယ်။ လုပ်သက်က အနဲဆုံး ၁၀-နှစ်ရှိကြတဲ့လူများတယ်။ အခုလောလောဆယ်ကာလမှာ သူတို့ခင်ဗျား ဒုက္ခသည်စခန်းတွေထဲမှာ၊ တောတောင်တွေထဲမှာ ဆင်းရဲ စုတ်ပြတ်သတ်ပြီး ဘ၀ကို ရုန်းကန်နေရတုန်း။ သူတို့ခလေးတွေလည်း ကျောင်းကောင်းကောင်းမတက်နိုင်ဘူး။ စားဝတ်နေရေးအတွက် နေ့စဉ်ပူပန်နေရတဲ့ဘ၀တွေ။ တိုင်းပြည်မှာ အားလုံးအချင်းချင်းသင့်မြတ်ပြီး ငြိမ်းချမ်းသွားရင်တောင် သူတို့လုပ်ခဲ့တဲ့ အလုပ်အတွက် အကျိုးအမြတ် ဘာများရလဲ။

တကယ်လို့များ လွတ်ငြိမ်းချမ်းသာခွင့်နဲ့အတူ တစ်ယောက်ကိုခြံတစ်ကွက်၊ အိမ်တစ်လုံးနဲ့ရင်းနှီးစားဖို့ ငွေ များအစိုးရက ခွင့်ပြုပေးရင် ဘယ်လောက်ကောင်းမလဲ။ ဒီလိုမျိုးစဉ်းစားချက်မျိုးတော့ အစိုးဆီမှာ ရှိမှာမဟုတ်ပါဘူး။

ရဲဘော်တွေဆင်းရဲနေတဲ့အချိန်မှာ ဂွင် ရိုက်တက်တဲ့ခေါင်းဆောင်တွေကတော့ စင်ပေါ်ကပဲ။ သူတို့မှာ ငွေရှိတယ်။ ပညာရှိတယ်။ အဆက်အသွယ်ကောင်းနေတယ်။ တတိယနိုင်ငံတွေက ပတ်(စ်)ပို့တွေကိုင်ထားတယ်။ တော်လှန်ရေးကြောင့် အဖွဲ့အစည်းကြောင့် ဒီလူတွေဒီလိုဖြစ်နေတာပါ။ လက်ရှိကာလမှာ ရဲဘော်တွေအနေနဲ့ ပြတ်ပြတ်သားသားမြင်တက်ပြောတက်တဲ့ အကျင့်ရှိဖို့ကောင်းနေပြီ။ အခု ဒီလူတွေ ဘယ်သူတွေလဲဆိုတာ ပြောပြမယ်။ နိုင်ငံရေးအကျဉ်းသားကူညီစောင့်ရှောက်ရေးအသင်းက ကိုဘိုကြည်ဟာ မဲ့ဆောက်ကို ရောက်ခါစက ပိန်လိန်ပြီးစုတ်ပြတ်သတ်နေတဲ့ရုပ်ပါ။ အခုတော့ ၀လို့လှလို့။ နိုင်ငံတကာကပေးတဲ့ဆုတွေလည်း ရထားတယ်။ အဖွဲ့အစည်းကပေးတဲ့လစာလည်းရတယ်။ ဘာပဲဖြစ်ဖြစ် သူက လွတ်ငြိမ်းချမ်းသာခွင့်မပေးလည်း ဂရုမစိုက်ဘူး။ သူ့ဘ၀အတွက် ခိုင်နေပြီ။ အနဲဆုံး ဘတ်ငွေသန်းနဲ့ချီပြီးချမ်းသာနေပြီ။ လူ့ဘောင်သစ်က ဥက္ကဌကိုအောင်မိုးဇော်၊ ဧရာဝတီမဂ္ဂဇင်းက ကိုအောင်ဇော်၊ ဦးမောင်မောင်၊ ဒေါက်တာနိုင်အောင်၊ မခင်ဥမ္မာ၊ ကစောဝါး၊ ကိုအောင်မျိုးမင်း စတဲ့လူတွေဟာ အရမ်းကိုကောင်းစားနေတဲ့လူတွေပါ။ ဒီလူတွေ ဒီလိုဖြစ်လာအောင် ဘယ်သူတွေက ထမ်းပေးရတာလဲ။ နောက်ဆုံးတော့ ကောင်းစားတဲ့လူတစ်စုက လက်ချိုးရေလို့ရပြီး မကောင်းစားတဲ့လူတွေက တစ်ပုံကြီးပါ။ ဒါ့ကြောင့် ကျနော်ပြောချင်တာက နောက်ဆုံးတော့ ရိုးသားတဲ့လူတွေ၊ မလည်တဲ့လူတွေဟာ လူလည်တွေကို လုပ်ကျွေးရသလိုပဲ။

ဆိုတော့ သူငယ်ချင်းတို့ လွတ်ငြိမ်းချမ်းသာခွင့်ပေးရင် ပြန်ကြပါ။ ဆင်းရဲလည်း ပြောင်ပြောင်ပဲဆင်းရဲပါ။ ဖြစ်နိုင်ရင် ဒီလူတွေနဲ့ကင်းအောင်နေကြပါ။ တော်လှန်ရေးတွေ ဘာတွေစဉ်းစားမနေနဲ့။ အဓိက ကိုယ့်ဘ၀ကိုယ်ပဲ ထူထောင်ရပါတယ်။

အခု ကျနော်စာရေးနေတဲ့အချိန်မှာ နို့ဘိုးဒုက္ခသည်စခန်းထဲမှာ အစည်းအဝေးလုပ်နေပါတယ်။ ထိုင်းက ဒုက္ခသည်တွေကို ပြန်ပို့ဖို့ စီစဉ်နေတယ်လို့ပြောလာပါတယ်။ ကဲ....အချိန်တန်တော့ အိမ်ပြန်ကြတာပေါ့ဗျာ။ ပြန်တဲ့အချိန်မှာ တချို့ က မာစီဒီးနဲ့ပြန်တယ်။ အများစုက လိုင်းကားတိုးစီးပြီး ပျော်ပျော်ပါးပါးပြန်ကြတာပေါ့။ အားလုံးအတွက် ကျနော်စိတ်မကောင်းပါဘူး။ လောကမှာ လူလည်တွေကို သတိထားကြပါ။



--
Thanks for sending!!!
Phone Kyaw

မြန်မာ-အိန္ဒိယ နှစ်နိုင်ငံ ကုန်သွယ်ရေးလမ်းကြောင်းသစ် တစ်ခု ဖြစ်လာမည့် စစ်တွေဆိပ်ကမ်း တည်ဆောက်ရေးလုပ်ငန်း

မြန်မာ-အိန္ဒိယ နှစ်နိုင်ငံ ကုန်သွယ်ရေးလမ်းကြောင်းသစ် တစ်ခု ဖြစ်လာမည့် စစ်တွေဆိပ်ကမ်း တည်ဆောက်ရေးတွင် အိန္ဒိယနိုင်ငံမှ Essar ကုမ္ပဏီက တာဝန်ယူ တည်ဆောက်လျက် ရှိကြောင်း၊ ယင်းသို့
တည်ဆောက်ရေးလုပ်ငန်းနှင့် ကုလားတန်မြစ်ကြောင်း ရှင်းလင်းရေးနှင့် ဘက်စုံ ဖွံ့ဖြိုးရေးများကို ၂၀၁၃ ခုနှစ် အတွင်း အပြီးသတ် ပြုလုပ်သွားမည် ဖြစ်ကြောင်းလည်း သိရှိရသည်။

အမေရိကန်ဒေါ်လာ သန်း ၁၂၀ ခန့် ကုန်ကျမည် ဖြစ်ပြီး ၂၁၉ x ၁၅ မီတာ အရှည်ရှိသော ဆိပ်ခံတံတားကြီးကို တည်ဆောက်မည် ဖြစ်ရာ ပင်လယ်ကူးသင်္ဘောကြီးများ ၀င်ရောက် ဆိုက်ကပ်နိုင်မည် ဖြစ်သည်။ ယင်းအပြင် ၁၅၈ ကီလိုမီတာ အရှည်ရှိ သော မြစ်ကြောင်း တူးဖော်ရေး လုပ်ငန်းကိုလည်း စစ်တွေမှ ပလက်ဝ အထိ ပြုလုပ်သွားမည် ဖြစ်သည်။ ၅၄ x ၁၄ မီတာ အရှည်ရှိသော ချဉ်းကပ် တံတားများကိုလည်း ကုန်းတွင်းပိုင်း အနီးတွင် တည်ဆောက်သွားမည် ဖြစ်ပြီး ၇၈ x ၁၅ မီတာ ရှိသော ဆိပ်ခံ တံတားတစ်ခုကိုလည်း တန် ၂၀၀၀ မှ ၃၀၀၀ အထိ သင်္ဘောများ ဆိပ်ကပ်နိုင်ရန် ပြုလုပ်သွားမည် ဖြစ်သည်။

ယခုအခါတွင် စစ်တွေဆိပ်ကမ်း တည်ဆောက်ရေး လုပ်ငန်းများကို တည်ဆောက်လျက် ရှိပြီး ပလက်ဝမှ စက်ပစ်ပြင် အထိ ကားလမ်းနှင့်စက်ပစ်ပြင်မှတစ်ဆင့် မီဇူရမ်ပြည်နယ်နှင့် ဆက်သွယ်မည့် ကားလမ်းကိုလည်း ဖောက်လုပ်ရန် စီစဉ်လျက် ရှိကြောင်း သိရှိရပါသည်။

ဇွန်အတွင်းက မိုးကြောင့် ယခင် ဖြည့်တင်းထားသောသဲများ ပြန်လည် မျောပါသွားခဲ့သည့် နောက်ပိုင်းတွင် ပင်လယ်ကမ်းစပ်မှသဲများ တူးယူရန် လွယ်လင့်တကူ မရနိုင်တော့သဖြင့် ယခုအခါတွင် စစ်တွေမြို့ စာတိုက်ကြီး၏
အရှေ့တောင်ဘက်၊ Nurse ကွာတာ ၏ အရှေ့ဘက် မြစ်ကမ်းစပ်မှ သဲများကို စက်ဖြင့်စုပ်ယူကာ ပြန်ဖြည့်နေရကြောင်း သိရှိရသည်။

Dutch Disease (ဒတ်ခ်ျရောဂါ) အကြောင်း သိကောင်းစရာ

နိဒါန်း

လူ့ကိုယ်ခန္ဓာမှာ ဖြစ်ပွားနေတဲ့ ရောဂါလက္ခဏာတွေ စတင်ပေါ်ထွက်လာတဲ့အခါ ဂရုတစိုက်စောင့်ကြပ်ကြည့်ရှုပြီး ကျွမ်း ကျင်သူတွေရဲ့ အကြံဥာဏ်တွေ၊ ကုထုံးတွေကို စနစ်တကျ ခံယူဖို့ လိုအပ်ပါတယ်။ နိုင်ငံတနိုင်ငံရဲ့ စီးပွားရေး အခြေအ နေတွေမှာလဲ ရောဂါဝေဒနာတွေ ဖြစ်ပွားလာတတ်တာကြောင့်၊ ကနဦးလက္ခဏာများ စတင်ပေါ်ထွက်လာစဉ် ကတည်းက သတိပြုမိပြီး၊ လိုအပ်သော ကုသမှုတွေ၊ ကာကွယ်မှုတွေ ပြုလုပ်ထားမယ်ဆိုရင် ဝေဒနာဆိုးတွေကနေ သက်သာစေနိုင် ပါတယ်။

နိုင်ငံတနိုင်ရဲ့ စီးပွားရေးမူဝါဒတွေမှာ အကြမ်းဖျင်းအားဖြင့် internal objectives (စီးပွားရေးဖွံ့ဖြိုးတိုးတက်ရေး၊ အလုပ် လက်မဲ့ ရာခိုင်နှုန်းနည်းပါးရေး၊ ငွေကြေးဖောင်းပွခြင်း လျော့နည်းရေးစသည်များ) ပါဝင်သလို၊ external objectives (နိုင်ငံ၏ ငွေပေးငွေယူရှင်းတမ်း- balance of payments equilibrium ဖြစ်ရေး၊ နိုင်ငံတကာ ကုန်သွယ်ရေး လုပ်ငန်း ဆောင်တာများအား အားပေးဆောင်ရွက်ရေး၊ ငွေလဲလှယ်နှုန်းများ အလွန်အကျွံ အတက်အကျများမှုအား ကာကွယ်ရေး စသည်များ) လဲ ပါဝင်ပါတယ်။ ဒီလို internal objectives နဲ့ external objectives တွေ အောင်မြင်ရေးအတွက် ငွေလဲ လှယ်နှုန်း (exchange rate) က အရေးကြီးပါတယ်။

ငွေလဲလှယ်နှုန်းလျော့နည်းခြင်း (depreciation of exchange rate) ဖြစ်လာတဲ့အခါ ပြည်တွင်းသွင်းကုန် တန်ဖိုးတွေ မြင့်မားလာပြီး၊ ငွေကြေးဖောင်းပွမှု (inflation) ဖြစ်လာပါတယ်။ စီးပွားရေးမှာ ပြည်ပပို့ကုန်ကဏ္ဍ အားကောင်းလာပြီး၊ သွင်းကုန်တင်သွင်းမှု လျော့နည်းလာပါတယ်။ ဒီလို ပြည်ပပို့ကုန်ကဏ္ဍ အားကောင်းလာချိန်မှာ ပို့ကုန်တွေက သဘာဝ သယံဇာတအရင်းအမြစ်များ (ရေနံ၊ သဘာဝဓာတ်ငွေ့၊ ကျောက်မျက်ရတနာ စသည်များ) ကို အခြေပြုထားခဲ့ရင်၊ ပြည် တွင်းကို နိုင်ငံခြားငွေ အများအပြား စီးဝင်လာပါတယ်။

တပြိုင်နက်တည်းမှာပဲ နိုင်ငံခြားမှ ဖွံ့ဖြိုးတိုးတက်ရေးဆိုင်ရာ ကူညီထောက်ပံ့မှု (Overseas Development Aid) တွေ ကနေ တဆင့် နိုင်ငံခြားငွေတွေ အများအပြား စီးဝင်လာပါတယ်။ ဒီအခါမှာ ပြည်တွင်းမှာ exchange rate volatility ဖြစ် လာပါတယ်။ ငွေလဲလှယ်နှုန်း အဆမတန် မြင့်မားမှု (appreciation of exchange rate) ဖြစ်လာရာကနေ၊ စိုက်ပျိုးရေးနဲ့ စက်မှုကဏ္ဍများမှ ပြည်ပပို့ကုန်များရဲ့ ဈေးကွက်ယှဉ်ပြိုင်နိုင်စွမ်းအား ကျဆင်းလာပြီး၊ ပြည်ပပို့ကုန်ကဏ္ဍကို ထိခိုက်လာ စေ နိုင်ပါတယ်။ အကယ်၍ နိုင်ငံတနိုင်ငံမှာ သဘာဝသယံဇာတ အရင်းအမြစ်များအား ပြည်ပသို့ ပို့ဆောင်မှု၊ ပြည်ပနိုင် ငံများအား ရောင်းချမှု စတာတွေကနေ နိုင်ငံခြားငွေ အများအပြား ၀င်ရောက်နေပြီး၊ ပုံမှန်မဟုတ်တဲ့ ငွေလဲလှယ်နှုန်း တိုး တက်မြင့်မားလာခြင်းတွေလဲ ဖြစ်နေပြီဆိုရင်၊ တနည်းဆိုရင် ပြည်တွင်းမှာ သုံးစွဲတဲ့ ငွေက ပုံမှန်မဟုတ်ပဲ မာလာပြီဆိုရင်၊ Dutch Disease ရဲ့ ကနဦးရောဂါလက္ခဏာတွေ ပြသနေပြီလို့ ဆိုနိုင်ပါတယ်။

Dutch Disease ဆိုရာဝယ်

မြောက်ပင်လယ် (North Sea) မှာ သဘာဝဓာတ်ငွေ့ တွေ့ရှိပြီးနောက်ပိုင်း၊ နယ်သာလန်နိုင်ငံရဲ့ စီးပွားရေး အဆောက် အုံကို သက်ရောက်မှုတွေအကြောင်း လေ့လာဆန်းစစ်ထားတဲ့ ဆောင်းပါးတပုဒ်ကို (၁၉၇၇) ခုနှစ်မှာ The Economist က ဖော်ပြခဲ့ပါတယ်။ ဒီဆောင်းပါးရဲ့ အမည်က “The Dutch Disease” ဖြစ်ပါတယ်။ ဒီဆောင်းပါးထဲမှာ သဘာဝဓာတ် ငွေ့ကို ပြည်ပသို့ တင်ပို့ရာကနေ နိုင်ငံခြားငွေ အများအပြား နိုင်ငံတွင်းသို့ စီးဝင်လာခြင်း၊ စိုက်ပျိုးရေးကဏ္ဍနှင့် စက်မှု လက်မှုကဏ္ဍ အရင်းအမြစ်များ Booming sector သို့ ရွှေ့ပြောင်းသွားခြင်း စသည်များကြောင့် ဈေးနှုန်းနဲ့ ငွေလဲလှယ် နှုန်း ပြောင်းလဲသွားပုံတွေ၊ ငွေလဲလှယ်နှုန်း မြင့်မားလာတဲ့အတွက် အခြားပို့ကုန်ကဏ္ဍမှာ ဈေးကွက်ရှယ်ယာ လျော့နည်း လာပြီး၊ ပို့ကုန်ထုတ်လုပ်မှုကဏ္ဍကို ထိခိုက်ပုံတွေကို မီးမောင်းထိုးပြထားခဲ့ပါတယ်။

(၁၉၅၉) ခုနှစ်က နယ်သာလန်နိုင်ငံမှာ သဘာဝဓာတ်ငွေ့ အရင်းအမြစ်တွေကို ရှာဖွေတွေ့ရှိခဲ့ပြီး natural resource sector အခြေပြုတဲ့ ပို့ကုန်ဝင်ငွေ တိုးမြင့်လာပါတယ်။ စက်မှုလက်မှုကဏ္ဍ ရင်းနှီးမြှုပ်နှံမှုတွေမှာ ကျဆင်းလာပြီး၊ (၁၉၇၀) ခုနှစ်တွေမှာ စက်မှုကဏ္ဍထဲမှာ လုပ်ကိုင်နေသူတွေ (၁၆) ရာခိုင်နှုန်း လျော့နည်း သွားပါတယ်။ အလုပ်လက်မဲ့ ရာခိုင်နှုန်း က (၁.၁) ရာခိုင်နှုန်းကနေ (၅.၁) ရာခိုင်နှုန်းအထိ မြင့်တက်သွားပါတယ်။ တိုင်းပြည်ဝင်ငွေရဲ့ share of profits ဟာ (၁၉၆၀) ကာလတွေမှာ (၁၆.၈) ရာခိုင်နှုန်းရှိရာကနေ (၁၉၇၀) ကာလတွေမှာ (၃.၅) ရာခိုင်နှုန်းအထိ ထိုးကျသွားပါ တယ်။

(၁၉၇၀) ကာလတွေမှာ ဗြိတိန်နိုင်ငံမှာလဲ အလားတူ စီးပွားရေးအခြေအနေတွေ ဖြစ်ပွားခဲ့ပါတယ်။ ရေနံဈေးနှုန်းတွေ လေးဆလောက်တက်နေချိန်မှာ စကော့တလန်ကမ်းခြေအနီးမှာ ရေနံရှာဖွေလာနိုင်တဲ့အတွက် ဗြိတိန်နိုင်ငံဟာ ရေနံတင် ပို့တဲ့ နိုင်ငံ ဖြစ်လာပါတယ်။ ဒီလို natural resource sector ကို အလေးပေး ဆောင်ရွက်တဲ့အခါ စတာလင်ပေါင် ငွေလဲ နှုန်း မြင့်တက်လာပါတယ်။ သို့ပေမယ့် ဗြိတိန် အလုပ်သမားတွေရဲ့ လုပ်ခတိုးမြင့်တောင်းဆိုမှုတွေ ထွက်ပေါ်လာပြီး၊ အ ခြားပို့ကုန်တွေကလဲ uncompetitive ဖြစ်လာတဲ့အတွက် ဗြိတိန်မှာ recession ဖြစ်သွားပါတယ်။ ဒါဟာ Dutch Disease ရဲ့ ရောဂါလက္ခဏာတွေပဲ ဖြစ်ပါတယ်။ Angola, Nigeria, Sudan , Venezuela, Sierra Leone, Liberia နဲ့ Congo အပါအ၀င် သဘာဝသယံဇာတ အရင်းအမြစ် ပို့ကုန်ကနေ ရရှိလာတဲ့ နိုင်ငံခြားငွေကြောင့် ငွေလဲနှုန်းတိုးတက်လာတဲ့ နိုင်ငံတွေမှာ Dutch Disease ကို ခံစားနေကြရပါတယ်။

အကျိုးသက်ရောက်မှုများ

Dutch Disease ရဲ့ အကျိုးသက်ရောက်ပုံတွေနဲ့ ပတ်သက်ပြီး၊ သဘာဝသယံဇာတ အရင်းအမြစ် အမျိုးအစား တမျိုး ဖြစ်တဲ့ ရေနံရဲ့ အကျိုးသက်ရောက်ပုံကို ဥပမာပေး တင်ပြလိုပါတယ်။ ရေနံကရရှိတဲ့ တိုင်းပြည် ၀င်ငွေတွေကလဲ စီးပွား ရေးအဆောက်အအုံကို လွှမ်းမိုးမှု ရှိလာတဲ့အခါ ငွေကြေးဖောင်းပွမှုနှုန်းတွေ မြင့်တက်လာပြီး၊ လူနေမှုစရိတ် စကတွေ တက်လာပါတယ်။ ဒီအချိန်မှာ တခြားစီးပွားရေးကဏ္ဍတွေ ဖြစ်တဲ့ စိုက်ပျိုးရေးကဏ္ဍ၊ စက်မှုလက်မှုကဏ္ဍတွေမှာ ရင်းနှီး မြှုပ်နှံမှုတွေ လျော့နည်းလာပြီး၊ စီးပွားရေးပြိုင်ဆိုင်မှု (economic competition) ကိုပါ ထိခိုက်စေပါတယ်။

အဲဒီအခါမှာ အစိုးရဟာ ရေနံက ရရှိတဲ့ အကျိုးအမြတ်တွေကို ခံစားရလာတာနဲ့အမျှ လာဘ်စားမှုတွေနဲ့ ဖြုန်းတီးမှုတွေ ဖြစ်လာပြီး၊ တိုင်းပြည်မှာ ဆင်းရဲနွမ်းပါးမှုနဲ့ နိုင်ငံရေး မတည်ငြိမ်မှုတွေ ဖြစ်လာပါတယ်။ ရေနံက ရရှိလာတဲ့ အကျိုးအ မြတ်တွေကို တိုင်းပြည်တွင်းမှာ ပြန်လည် ရင်းနှီးမြှုပ်နှံမှု မလုပ်ဘဲ၊ ကိုယ်ပိုင် အကျိုးစီးပွားအတွက် နိုင်ငံခြားဘဏ်တွေမှာ အပ်နှံတာ၊ နိုင်ငံခြား စီးပွားရေးလုပ်ငန်းတွေမှာ ရင်းနှီးမြှုပ်နှံတာတွေ ဖြစ်လာပြီး၊ တိုင်းပြည်ရဲ့စီးပွားရေးမှာ ပြန်လည် ရင်း နှီးမြှုပ်နှံခြင်း မရှိတဲ့အခါ အခြေအနေတွေက ဆိုးသထက်ပိုပြီး ဆိုးလာနိုင်ပါတယ်။

Dutch Disease ရဲ့ အကျိုးသက်ရောက်မှုတွေကို လေ့လာကြတဲ့အခါ ဘောဂဗေဒပညာရှင် Corden နဲ့ Neary တို့ ရေး ဆွဲခဲ့တဲ့ core model ကို အသုံးပြုလေ့ရှိကြပါတယ်။ ဒီ model အရ နိုင်ငံတနိုင်ငံရဲ့ စီးပွားရေးကဏ္ဍများကို သဘာဝ အ ရင်းအမြစ်ကဏ္ဍ (natural resource sector)၊ စိုက်ပျိုးရေးကဏ္ဍနှင့် စက်မှုလက်မှုကဏ္ဍ စသော သဘာဝအရင်းအမြစ် မဟုတ်သည့် ကုန်သွယ်မှုကဏ္ဍ (non-resource tradables sector) နှင့် ပြည်ပ ကုန်သွယ်ရေးတွင် အသုံးမပြုသော ကုန်စည်များ၊ ၀န်ဆောင်မှုများ၊ ဆောက်လုပ်ရေး လုပ်ငန်းများ ပါဝင်သော ကုန်သွယ်ရေးမဟုတ်သည့်ကဏ္ဍ (non-tradables sector) ဆိုပြီး ကဏ္ဍသုံးမျိုး ခွဲခြားနိုင်ပါတယ်။

ဒီကဏ္ဍသုံးမျိုးအနက် natural resource sector နဲ့ non-resource tradables sector တွေမှာ ပါဝင်တဲ့ ရွှေ၊ ငွေ၊ ကျောက်မျက်ရတနာ၊ ရေနံ၊ သဘာဝဓာတ်ငွေ့၊ ဆန်စပါး၊ စက်မှုထွက်ကုန် စသည်များရဲ့ ဈေးနှုန်းတွေကို ကမ္ဘာ့ဈေးကွက် က သတ်မှတ်ပြီး၊ non-tradables sector က ကုန်စည်များနဲ့ ၀န်ဆောင်မှုများရဲ့ ဈေးနှုန်းတွေ ကိုတော့ ပြည်တွင်းဈေး ကွက်က သတ်မှတ်ပါတယ်။ non- tradables တွေရဲ့ ဈေးနှုန်းနဲ့ tradables တွေရဲ့ ဈေးနှုန်းကို အချိုးချပြီး real exchange rate ကို တွက်ချက်နိုင်ပါတယ်။ အကယ်၍ non- tradables တွေမှာ ၀ယ်လိုအား မြင့်တက်လာတဲ့အခါ ငွေ လဲလှယ်နှုန်းတိုးတက်မှု (appreciation of real exchange rate) ဖြစ်လာနိုင်ပါတယ်။

နိုင်ငံတနိုင်ငံမှာ စိုက်ပျိုးရေးကဏ္ဍ၊ စက်မှုလက်မှုကဏ္ဍတွေ တိုးတက်လာတဲ့အခါ ထုတ်လုပ်မှု၊ ထုတ်ကုန်နဲ့ ၀င်ငွေ တိုး တက်မြင့်မားလာပြီး၊ ငွေလဲလှယ်နှုန်းတွေပါ တိုးတက်လာပါတယ်။ ဒီအခါမှာ ငွေလဲလှယ်နှုန်း တိုးတက်မှုက ရေရှည်တည် တံ့ခိုင်မြဲပြီး၊ ၀င်ငွေမြင့်မားမှု၊ consumption မြင့်မားမှုတွေကြောင့် တိုင်းသူပြည်သူများရဲ့ လူနေမှုဘ၀ အဆင့်အတန်းကို မြှင့်တင်ပေးနိုင်ပါတယ်။

ဒီလိုမဟုတ်ဘဲ ငွေလဲလှယ်နှုန်းတိုးတက်မှုက သဘာဝအရင်းအမြစ် သယံဇာတပစ္စည်းများအား ပြည်ပသို့ တင်ပို့ခြင်း၊ ပြည်ပနိုင်ငံများသို့ ရောင်းချခြင်း အပေါ်မှာ တည်မှီပြီး ဖြစ်ပေါ်လာတာ ဆိုရင်တော့ အခြားစိုက်ပျိုးရေး ကဏ္ဍ၊ စက်မှု လက်မှုကဏ္ဍများရဲ့ ပြည်ပပို့ကုန် တင်ပို့မှုကို ထိခိုက်နှောင့်နှေးစေပါတယ်။ ဒါကြောင့် စိုက်ပျိုးရေးနဲ့ စက်မှုလက်မှုကဏ္ဍ တွေကို နောက်ကျကျန်ရစ်ခဲ့သော ကဏ္ဍများ (lagging sector) လို့ သတ်မှတ် ခေါ်ဝေါ်ကြပါတယ်။

Corden နဲ့ Neary တို့ ရေးဆွဲခဲ့တဲ့ core model ကနေ Dutch Disease ရဲ့ အကျိုးသက်ရောက်ပုံ နှစ်မျိုးကို ခွဲခြားသတ် မှတ်နိုင်ပါတယ်။ natural resource sector က စန်းပွင့်လာတဲ့အခါ တခြားကဏ္ဍတွေမှာရှိတဲ့ capital နဲ့ labour တွေက ဒီလိုစန်းပွင့်သော ကဏ္ဍ (booming sector) ထဲကို ရောက်ရှိသွားကြပါတယ်။ ဒီအခါမှာ စီးပွားရေးအဆောက်အအုံထဲက တခြားကဏ္ဍတွေမှာ ထုတ်လုပ်မှု လျော့နည်းလာပါတယ်။ non-tradables sector မှာ ဒီလို လျော့နည်းလာတဲ့အခါ ပို့ ကုန် မဟုတ်တဲ့ ပစ္စည်းတွေရဲ့ ဈေးနှုန်းတွေ မြင့်တက်လာပါတယ်။ ဥပမာ- မြေဈေး၊ အိမ်ဈေးတွေလဲ အတိုင်းအဆမရှိ ခုန်တက်သွားတတ်ပါတယ်။ ဒီလို ပြည်တွင်းဈေးကွက်က ကုန်ပစ္စည်းတွေရဲ့ ဈေးနှုန်း မြင့်တက်လာတဲ့ ရာခိုင်နှုန်းတွေနဲ့ အညီ tradables sector ရဲ့ နှုန်းတွေက လိုက်ပြီး မမြင့်တက်နိုင်ပါဘူး။ tradables sector က ကုန်ပစ္စည်းတွေကကြ တော့ အထက်မှာ ဆိုခဲ့တဲ့အတိုင်း ကမ္ဘာ့ဈေးကွက်က သတ်မှတ်တာတွေ ဖြစ်ပါတယ်။ ဒီအခါမှာ ငွေလဲလှယ်နှုန်း တိုး တက်မှု (appreciation of real exchange rate) ဖြစ်လာတော့တာပါပဲ။ ဘောဂဗေဒ ပညာရှင်တွေက ဒါကို အရင်းအ မြစ် ရွေ့လျားမှုဆိုင်ရာ အကျိုးသက်ရောက်မှု (resource-movement effect) လို့ သတ်မှတ်ကြပါတယ်။

နောက်ထပ် အကျိုးသက်ရောက်မှုတခုကတော့ သုံးစွဲမှုဆိုင်ရာ အကျိုးသက်ရောက်မှု (spending effect) ပဲ ဖြစ်ပါတယ်။ natural resource sector စန်းပွင့်လာတဲ့အခါ ၀ယ်လိုအားတွေ မြင့်တက်လာပါတယ်။ non-tradables ကဏ္ဍမှာ ၀ယ် လိုအား မြင့်တက်လာတဲ့ အခါမှာ ပြည်တွင်းဈေးကွက်ကို မူတည်တဲ့ non-tradables တွေရဲ့ ဈေးနှုန်းက မြင့်တက်လာ ပါတယ်။ non-resource tradables တွေကတော့ ပြည်ပဈေးကွက်ကို မူတည်တာဖြစ်တဲ့အတွက် ဈေးနှုန်းကို မြှင့်ချင် တိုင်းမြှင့်လို့ မဖြစ်နိုင်ပါဘူး။ ဒီအခါမှာ ငွေလဲနှုန်းက တိုးတက်လာ ပါတော့တယ်။

ဒီလို ငွေလဲနှုန်း တိုးတက်လာတာနဲ့အမျှ စိုက်ပျိုးရေးနဲ့ စက်မှုလက်မှုကဏ္ဍကို အခြေပြုတဲ့ ပြည်ပပို့ကုန် လုပ်ငန်းများကို ထိခိုက်လာပါတယ်။ ပြည်ပနိုင်ငံမှာ အလုပ်လုပ်နေသူတွေဆီကနေ ပြည်တွင်းကို ပြန်ပို့တဲ့ ငွေအပေါ်မှာ မှီခိုနေရတဲ့ အိမ် ထောင်စုတွေရဲ့ ရပ်တည်ရေးကိုလဲ ထိခိုက်လာနိုင်ပါတယ်။ တနည်းဆိုရင် လူလတ်တန်းစားတွေကို အများဆုံးထိခိုက် စေပါတယ်။ တိုင်းပြည်ဖွံ့ဖြိုးတိုးတက်ရေးအတွက် လူလတ်တန်းစား (middle class) ရာခိုင်နှုန်းများလာဖို့ လိုအပ်ပါ တယ်။ လူလတ်တန်းစားရာခိုင်နှုန်း လျော့နည်းလာပြီး ဆင်းရဲနွမ်းပါးတဲ့ အခြေခံလူတန်းစား ရာခိုင်နှုန်း မြင့်မားလာခြင်း၊ ရေပေါ်ဆီ လူတန်းစားတွေဖြစ်တဲ့ အုပ်ချုပ်သူများနဲ့ လုပ်ငန်းရှင်များဆီမှာသာ တိုင်းပြည်ရဲ့ ဓနဥစ္စာများကို ရယူသုံးစွဲခံ စားပိုင်ခွင့် များပြားနေခြင်း စတာတွေဟာ စီးပွားရေးပြဿနာ၊ လူမှုရေးပြဿနာနဲ့ နိုင်ငံရေး မတည်ငြိမ်မှုတွေ ဖြစ်ပွားစေ နိုင်ပါတယ်။

Dutch Disease အား ကုစားခြင်း

Dutch Disease ရဲ့ ရောဂါလက္ခဏာတွေကို ကုစားနိုင်တဲ့ ဆေးမြီးတို နည်းလမ်းတွေ အများအပြားရှိပါတယ်။ ဒါပေမယ့် ရောဂါအန္တရာယ် ပိုပြီး မဆိုးရွားစေရန် ကာကွယ်ခြင်း၊ ကုသခြင်းတွေကို ထိထိရောက်ရောက် လုပ်နိုင်ဖို့အတွက် macroeconomic polices (fiscal policy, monetary policy, structural policies) တွေရဲ့ အခန်းကဏ္ဍက အလွန်အ ရေးကြီးပါတယ်။

(၁) Fiscal Policy

ဒတ်ခ်ျရောဂါရဲ့ ဆိုးကျိုးသက်ရောက်မှုတွေကို လျော့နည်းစေဖို့အတွက် fiscal policy ကို main instrument တခု အ နေနဲ့ အသုံးပြုလေ့ရှိကြပါတယ်။ ဖွံ့ဖြိုးဆဲနိုင်ငံတွေမှာ spending effect ရဲ့ သက်ရောက်မှုက ပိုပြီးဆိုးရွားပါတယ်။ ဒါ ကြောင့် အသုံးစရိတ်များ ထိရောက်ချောမွေ့စေခြင်း (smoothing of spending) ဖြင့် volatility ကို လျော့နည်းစေနိုင် ပါတယ်။ ဒီလိုပြုလုပ်ဖို့အတွက် သဘာဝသယံဇာတပစ္စည်းများ (ရေနံ၊ သဘာဝဓာတ်ငွေ့၊ သစ်၊ ကျောက်မျက်ရတနာ စ သည်များ) ကနေ ရရှိတဲ့ ၀င်ငွေတွေကို စုဆောင်းခြင်း၊ ပြန်လည်ရင်းနှီးမြှုပ်နှံခြင်း ပြုလုပ်ဖို့အတွက် natural resource fund တခု ရှိဖို့လိုအပ်ပါတယ်။ volatility လျှော့ချခြင်း၊ အနာဂတ်ဖွံ့ဖြိုးရေးအတွက် ရင်းနှီးမြှုပ်နှံခြင်း စတဲ့ ရည်ရွယ်ချက် တွေပေါ်မှာ မူတည်ပြီး fund အမျိုးအစား (saving fund, stabilization fund, investment fund) စတာတွေကတော့ ကွဲပြားနိုင်ပါတယ်။

ဝင်ငွေတွေရဲ့ မည်၍မည်မျှသော ရာခိုင်နှုန်းကို အစိုးရအသုံးစရိတ်အတွက်အသုံးပြုပြီး၊ မည်၍မည်မျှသော ရာခိုင်နှုန်းကို natural resource fund မှာ ထည့်သွင်းထားရှိရမယ်ဆိုတာနဲ့ ပတ်သက်တဲ့ fiscal rules တွေ ချမှတ်ဖို့ လိုအပ်ကြောင်း ဘောဂဗေဒ ပညာရှင်များက အကြံပြုထားကြပါတယ်။ အစိုးရအသုံးစရိတ်တွေနဲ့ ပတ်သက်ပြီး medium-term expenditure framework ပေါ်ထွက်လာဖို့အတွက် စီးပွားရေးပညာရှင်များနဲ့ နိုင်ငံရေးသမားများက ၀ိုင်းဝန်းကြိုးပမ်းကြ မယ်ဆိုရင် ပိုပြီးအသုံးဝင်နိုင်ပါတယ်။ ဒီလို ပြုလုပ်ခြင်းအားဖြင့် တိုင်းပြည်ဝင်ငွေ သုံးစွဲမှုနဲ့ ပတ်သက်ပြီး ပွင့်လင်းမြင်သာ မှု (transparency) ကို အားကောင်းစေရုံသာမက လာဘ်ပေးလာဘ်ယူမှု (corruption)များနဲ့ တိုင်းပြည်ဘဏ္ဍာကို အာ ဏာအသုံးပြု၍ အလွဲသုံးစားပြုမှုများကိုလဲ တိုက်ဖျက်နိုင်မှာ ဖြစ်ပါတယ်။

ဒတ်ခ်ျရောဂါကို ကုစားဖို့အတွက် fiscal policy ကို အသုံးပြုရာမှာ ပုံမှန်ဝင်ငွေ သတ်မှတ်ချက်နည်းလမ်း (permanent income approach) ကို အသုံးပြုလေ့ရှိကြပါတယ်။ ဒီနည်းလမ်းအရ သဘာဝသယံဇာတ ပစ္စည်းတွေကနေ ရရှိလာမယ့် natural resource revenues ကို ကနဦးတွက်ချက်ပြီး၊ အစိုးရအသုံးစရိတ်အတွက် သင့်လျော်တဲ့ ပမာဏတခု ချမှတ်ပြီး တဲ့အခါ၊ ကျန်ဝင်ငွေများကို တိုင်းပြည်ဥစ္စာဓန (sovereign wealth) အဖြစ် ပြည်ပမှာ ရင်းနှီးမြှုပ်နှံထားတာ ဖြစ်ပါတယ်။ ဒီလို ပြုလုပ်ခြင်းအားဖြင့် အကယ်၍ တချိန်မှာ တိုင်းပြည်ရဲ့ သယံဇာတပစ္စည်းတွေ လျော့နည်းပျောက်ကွယ်လာတဲ့အခါ တိုင်းပြည်ရဲ့ ဥစ္စာဓနတွေကို ပြန်လည်အသုံးပြုနိုင်မှာ ဖြစ်ပါတယ်။

ဘောဂဗေဒပညာရှင် Collier ဦးဆောင်တဲ့ ပညာရှင်တွေ ကတော့ ဖွံ့ဖြိုးဆဲနိုင်ငံများအတွက် ပိုပြီးအသုံးဝင်နိုင်တဲ့ “optimal” fiscal rule နည်းလမ်းကို ဖော်ထုတ်ခဲ့ကြပါတယ်။ ဒီနည်းလမ်းအရ သဘာဝသယံဇာတကနေ ရရှိလာတဲ့ resource revenues တွေကို ကနဦးအစမှာ ရာခိုင်နှုန်းအနည်းငယ်သာ စုဆောင်းရင်းနှီးမှုတွေ ပြုလုပ်ပြီး၊ တိုင်းပြည်ရဲ့ စီးပွားရေးအဆောက်အအုံမှာ ရင်းနှီးမြှုပ်နှံမှုတွေ အများအပြား ပြုလုပ်ဖို့ လိုအပ်ပါတယ်။ ဒီနည်းလမ်းဟာ ဖွံ့ဖြိုးဆဲ နိုင်ငံ တွေအတွက် လျော်ကန်ပေမယ့် စီးပွားရေးအဆောက်အအုံမှာ ပြန်လည် ရင်းနှီးမြှုပ်နှံတာ မဟုတ်ပဲ စစ်အသုံးစရိတ်များ ကြီးမားလာမှုနဲ့ အလွဲသုံးစားလုပ်မှုများကို မည်သို့မည်ပုံ ကာကွယ်နိုင်မလဲ ဆိုတဲ့ နည်းလမ်းတွေကိုပါ တွဲစပ်အသုံးချနိုင်ဖို့ လိုအပ်ပါတယ်။ တင်းကြပ်တဲ့ fiscal discipline မရှိပဲ ဒီနည်းလမ်းကို ထိထိရောက်ရောက် အသုံးပြုနိုင်ဖို့ ခဲယဉ်းနိုင်ပါ တယ်။

(၂) Monetary Policy

Monetary policy ဆိုရာမှာ supply of money ကို ထိန်းချုပ်ခြင်း၊ အတိုးနှုန်းများကို ထိန်းချုပ်ခြင်း စတာတွေနဲ့ သက် ဆိုင်ပါတယ်။ ပညာရှင်များရဲ့ လေ့လာတွေ့ရှိချက်အရ တိုင်းပြည်တွင်းမှာ နိုင်ငံခြားငွေ အမြောက်အမြား စီးဝင်လာတဲ့အ ခါ nominal exchange rate ကို တရားသေ သတ်မှတ်ထားတဲ့ monetary policy ကို ကျင့်သုံးနေရင် ဒတ်ခ်ျရောဂါရဲ့ ဆိုးကျိုးသက်ရောက်မှုများနိုင်ပါတယ်။ Taylor interest rate rule နဲ့ လိုက်လျောညီထွေရှိတဲ့ nominal exchange rate flexibilityပေါ်မှာ အခြေခံတဲ့ monetary policy ကို ကျင့်သုံးမယ်ဆိုရင် ဒတ်ခ်ျရောဂါရဲ့ ဆိုးကျိုးများကို လျှော့ချနိုင်ပါ တယ်။

အတိုးနှုန်းများကို ထိန်းချုပ်မှုဆိုရာမှာလဲ ဘဏ်လုပ်ငန်းများရဲ့ တည်ငြိမ်မှု (stability) နဲ့ ထိရောက်အားကောင်းမှု (efficiency) တို့ကို သုံးသပ်ပြီး စနစ်တကျ ဆောင်ရွက်နိုင်ဖို့ လိုအပ်ပါတယ်။ bank failure မဖြစ်သွားဖို့အတွက် အလွန် အရေးကြီးပါတယ်။ ဘဏ်လုပ်ငန်းတခုမှာ failure ဖြစ်တာနဲ့ အများပြည်သူရဲ့ ယုံကြည်မှုကို လှုပ်ခါသွားစေနိုင်ပြီး၊ တခြား ဘဏ်လုပ်ငန်းတွေအပေါ်မှာပါ သက်ရောက်မှုတွေ ရှိလာနိုင်ပါတယ်။ ဗဟိုဘဏ်ဟာ အစိုးရရဲ့ လက်အောက်မှာ မရှိဘဲ independent central bank ဖြစ်လာခဲ့ရင် monetary policy ရေးရာတွေကို ပိုပြီး ထိထိရောက်ရောက် ကိုင်တွယ်နိုင် ပါတယ်။

(၃) Structural Policies

ဒတ်ခ်ျရောဂါကို ကုစားနိုင်မယ့် နောက်ထပ်မူဝါဒတခုကတော့ trade liberalization ပြုလုပ်ခြင်းပဲ ဖြစ်ပါတယ်။ ဒီလိုပြု လုပ်ခြင်းအားဖြင့် non-tradables sector မှာ ဖြစ်ပွားနေတဲ့ demand pressure ကို လျှော့ချနိုင်ပါတယ်။ နောက်ထပ် မူဝါဒတခုကတော့ အစိုးရအသုံးစရိတ်တွေကို လမ်းပန်းဆက်သွယ်မှု တိုးတက်ကောင်းမွန်ရေး၊ ကုန်စီးဆင်းမှုချောမွေ့စေ သော infrastructure များ ဖွံ့ဖြိုးလာရေး၊ ပညာရေးနှင့် အရည်အချင်းတိုးမြှင့်ရေး စတာတွေမှာ အသုံးပြုခြင်းဖြစ်ပါတယ်။

အစိုးရအသုံးစရိတ်တွေကို များများစားစား အသုံးပြုစရာ မလိုတဲ့ အခြားမူဝါဒတွေကိုလဲ ချမှတ်ဆောင်ရွက် နိုင်ပါတယ်။ စီးပွားရေးလုပ်ငန်းများနဲ့ဆိုင်တဲ့ ဥပဒေများ၊ နည်းဥပဒေများ ပြဌာန်းခြင်း၊ ပြင်ဆင်သတ်မှတ်ခြင်း၊ ပို့ကုန်သွင်းကုန် လိုင် စင်လိုအပ်ချက်များ ပယ်ဖျက်ခြင်း၊ ကြိုးနီစနစ်ကျင့်သုံးမှုများအား လျှော့ချခြင်း၊ monopolistic barriers များ လျော့နည်း စေခြင်း စတာတွေ ဖြစ်ပါတယ်။ ပြည်ပရင်းနှီးမြှုပ်နှံမှု (Foreign Direct Investment) များကို ဖိတ်ခေါ်ခြင်းအားဖြင့်လဲ spillover effects တွေကနေ တဆင့် conditions for learning by doing ကို ဖန်တီးနိုင်ပါတယ်။

နိဂုံး

လူ့ကိုယ်ခန္ဓာမှာ ရောဂါလက္ခဏာတွေ ပြလာတဲ့အခါ ကျွမ်းကျင်တဲ့ ဆေးပညာရှင်တွေရဲ့ အကူအညီနဲ့ အကြံဥာဏ်တွေ ကို ရယူဖို့ လိုအပ်ပါတယ်။ တိုင်းပြည်တခုရဲ့ စီးပွားရေးကဏ္ဍမှာလဲ ပျက်စီးယိုယွင်းစေမယ့် ရောဂါလက္ခဏာတွေ ပြလာ တဲ့အခါ ကျွမ်းကျင်တဲ့ စီးပွားရေးပညာရှင်တွေရဲ့ အကူအညီနဲ့ အကြံဥာဏ်တွေကို ရယူဖို့ လိုအပ်ပါတယ်။ ကျွမ်းကျင်တဲ့ ဆေးပညာရှင်ဆိုရာမှာလဲ ကဏ္ဍတိုင်းမှာ အလုံးစုံကျွမ်းကျင်နေသူတွေဆိုတာ မရှိတာကြောင့် ခွဲစိတ်ဆရာဝန်၊ မျက်စိ အထူးကုဆရာဝန်၊ နားနှာခေါင်းလည်ချောင်း အထူးကုဆရာဝန် စသဖြင့် အထူးကုဆရာဝန်များစွာနဲ့ ယူနစ်များစွာ ဆေးရုံ တွေမှာ ထားရှိကြရပါတယ်။

ဒီလိုပါပဲ။ စီးပွားရေးပညာရှင် ဆိုရာမှာလဲ ကဏ္ဍတိုင်းမှာ အလုံးစုံကျွမ်းကျင်နေသူတွေ မရှိနိုင်ပါဘူး။ Development Economics, Financial Economics, Labour Economics, Health Economics, Environmental Economics, Economic Growth အစရှိတဲ့ ကဏ္ဍတွေမှာ သက်ဆိုင်ရာ ကဏ္ဍအလိုက် ကျွမ်းကျင်ရာလိမ္မာကြတာ ဖြစ်ပါတယ်။ ဒါ ကြောင့်လဲ တိုင်းပြည်တွေမှာ Government Economic Services, Institute of Public Policy စတာတွေ တည်ထောင် ထားရှိခြင်း၊ တက္ကသိုလ်ဌာနများရဲ့ သုတေသနလုပ်ငန်းဆောင်တာများ ဖွံ့ဖြိုးတိုးတက်လာစေရန် ဆောင်ရွက်ခြင်း၊ ပညာ ရပ်ဆိုင်ရာ ဖိုရမ်များ ကျင်းပခြင်း စတာတွေကို ပြုလုပ်နေကြတာဖြစ်ပါတယ်။

လူ့စွမ်းအားအရင်းအမြစ်များ ချို့တဲ့သော ဖွံ့ဖြိုးဆဲနိုင်ငံတွေမှာတော့ ဒတ်ခ်ျရောဂါကို ကုစားနိုင်ရေး၊ ပိုမိုဆိုးရွားမသွား စေရန် ကာကွယ်ဆောင်ရွက်ရေးအတွက် Macroeconomic policies ကဏ္ဍကို ပိုင်နိုင်ကျွမ်းကျင်သော ကမ္ဘာ့အဆင့်မှီ ပညာရှင်များ ( ဥပမာ- ကမ္ဘာ့ဘဏ်၊ နိုင်ငံတကာအဆင့်မှီတက္ကသိုလ်များ၊ အပြည်ပြည်ငွေကြေးရံပုံငွေအဖွဲ့ စသည်တို့မှ သုတေသီများ) ရဲ့ အကူအညီနဲ့ အကြံဥာဏ်များကို ရယူနိုင်ဖို့ လိုအပ်လှပါကြောင်း ရေးသားတင်ပြအပ်ပါတယ်။

ခင်မမမျိုး (၂၆၊ ၈၊ ၂၀၁၁)

(စာရေးသူသည် ယူကေနိုင်ငံ၊ Aberdeen တက္ကသိုလ်၊ ဘုရင့်ကောလိပ်မှ နိုင်ငံရေးဘောဂဗေဒ အထူးပြု ဘောဂဗေဒ မဟာဝိဇ္ဇာဘွဲ့ ရရှိထားသူ ဖြစ်ပါသည်)

ရည်ညွှန်းကိုးကား။

Brahmbhatt, M., O. Canuto and E. Vostroknutova (2010). Dealing with Dutch disease, Economic Premise 16, World Bank, Washington, D.C.

Collier, P., F. van der Ploeg, M. Spence and A.J. Venables (2010). Managing resource revenues in developing economies, IMF Staff Papers, 57, 1, 84-118

Corden, W.M. and J.P. Neary (1982). Booming sector and de-industrialisation in a small open economy, Economic Journal, 92, 825-848.

Corden, W.M. (1984). Booming sector and Dutch Disease economics: Survey and consolidation, Oxford Economic Papers, 36, 359-380.

Giavazzi, F., J. R. Sheen, and C. Wyplosz. (1988). “The Real Exchange Rate and the Fiscal Aspects of a Natural Resource Discovery.” Oxford Economic Papers 40 (3): 427–50.

Ismail, K. (2010). “The Structural Manifestation of the ‘Dutch Disease’: The Case of Oil Exporting Countries.” Working Paper 10/103. International Monetary Fund, Washington, DC.

Morshed, A.K.M. and S.J. Turnovsky (2004). Sectoral adjustment costs and real exchange rate dynamics in a two-sector dependent economy, Journal of International Economics, 62, 147-177.

Torvik, R. (2001). Learning by doing and the Dutch Disease, European Economic Review, 45, 285-306.

Williamson, J. 2008. “Exchange Rate Economics.” Working Paper 2. Commission on Growth and Development, Washington, DC.

မြန်မာနိုင်ငံ HIV ကာကွယ်ရေးနဲ့ ခွဲခြားဆက်ဆံမှု ဟန့်တားရေး လစ်ဟာဆဲ

့မြန်မာနိုင်ငံ အပါအ၀င် အာရှ-ပစိဖိတ်ဒေသမှာ HIV-AIDS ရောဂါ ကူးစက်ပျံ့ပွားမှုကို တိုက်ဖျက်ရာမှာ ရေရှည်အောင်မြင်မှု ရရှိအောင် ဆောင်ရွက်ရမယ့် အရေးကြီးတဲ့ လမ်းဆုံလမ်းခွ တခုကို ရောက်နေပြီလို့ ကုလသမဂ္ဂက သတိပေးလိုက်ပါတယ်။ ၂၀၁၁ ခုနှစ် အာရှ-ပစိဖိတ်ဒေသ AIDS ရောဂါဆိုင်ရာ နိုင်ငံတကာ ညီလာခံကို သောကြာနေ့က တောင်ကိုရီးယားနိုင်ငံ ဘူဆန် (Busan) မှာ ကျင်းပရာမှာ ထုတ်ပြန်လိုက်တဲ့ ကုလသမဂ္ဂရဲ့ အစီရင်ခံစာက သတိပေးလိုက်တာပါ။

မြန်မာနိုင်ငံ အပါအ၀င် HIV ရောဂါပိုးရှိသူ အများအပြားရှိတဲ့ ဒေသတွင်းက နိုင်ငံပေါင်း ၁၁ နိုင်ငံမှာ အရင်ကထက်စာရင် ရောဂါကုသမှု ခံယူနိုင်တဲ့ အခွင့်အလန်းတွေ ပိုမိုရရှိလာနေတယ်လို့ အစီရင်ခံစာက ဖော်ပြပါတယ်။ ဒါပေမဲ့လည်း ရောဂါမရအောင် ကာကွယ်ဖို့၊ ရောဂါပိုးရှိသူတွေအတွက် ကုသမှုနဲ့၊ ပြုစုစောင့်ရှောက်မှုတွေ ရရှိဖို့တွေမှာတော့ လိုအပ်ချက်တွေ အများအပြားရှိနေဆဲ ဖြစ်တယ်လို့ သတိပေးထားတာပါ။

အာရှ-ပစိဖိတ် ဒေသတခုလုံးအနေနဲ့တော့ HIV ရောဂါပိုး ကူးစက်နေသူ အရေအတွက်ဟာ ၂၀၀၉ ခုနှစ်ထဲမှာ ၄.၉ သန်း ရှိခဲ့ပြီး မြန်မာနိုင်ငံမှာတော့ ၂၄၀,၀၀၀ လောက် ရှိတယ်လို့ အစီရင်ခံစာက ဖော်ပြခဲ့ပါတယ်။ ၂၀၀၉ ခုနှစ်က ကိန်းဂဏန်းတွေအရ မြန်မာနိုင်ငံမှာ ကူးစက်မှုခံရတဲ့ အရေအတွက်ဟာလည်း ၁၄,၀၀၀ ကနေ ၂၀,၀၀၀ အထိ ရှိခဲ့ပြီး AIDS ရောဂါနဲ့ သေဆုံးသူ အရေအတွက်ကတော့ ၁၈,၀၀၀ အထိ ရှိမယ်လို့လည်း ဖော်ပြထားပါတယ်။

မြန်မာနိုင်ငံမှာ HIV ရောဂါ ကူးစက်ခံရသူတွေကို ခွဲခြားဆက်ဆံခံရတာတွေကို အကာအကွယ်ပေးနိုင်တဲ့ ဥပဒေတွေ မရှိသလို ဝေဒနာသည်တွေကို အကူအညီပေးတဲ့ လုပ်ငန်းတွေမှာ အဟန့်အတား ဖြစ်စေတဲ့ ဥပဒေတွေ ရှိနေတယ်လို့လည်း အစီရင်ခံစာက ထောက်ပြထားတာ ဖြစ်ပါတယ်။

နိုင်ငံရေးအကျဉ်းသား ကိုဌေးကြွယ် လွတ်မြောက်ရေး ဗြိတိန်ဒု-၀န်ကြီးချုပ် လှုံ့ဆော်

၈၈ မျိုးဆက်ကျောင်းသားခေါင်းဆောင် ကိုဌေးကြွယ် လွတ်မြောက်ရေး လှုပ်ရှားသူများထဲတွင် ဗြိတိန်ဒု-၀န် ကြီးချုပ် Nick Clegg လည်း ပါဝင်လာသည်။ သူက ကိုဌေးကြွယ်၏အမည်ကို သူ၏ လက်ဖ၀ါးတွင် ရေးသား ပြီး ဓာတ်ပုံအရိုက်ခံခဲ့သည်။ ဤကဲ့သို့သော လှုံ့ဆော်သည့် ဓာတ်ပုံများကို မီဒီယာများ၊ အကျဉ်းသားလွတ် မြောက်ရေးလှုပ်ရှားမှုများတွင် အသုံးပြုကြမည် ဖြစ်သည်။