ဖြေ။ ။ လောလောဆယ် ကျနော်တို့နိုင်ငံမှာ နိုင်ငံခြားရင်းနှီးမြှုပ်နှံမှု အတိုင်းတာကို ပြောရမယ်ဆိုရင် တရုတ်ရဲ့ ရင်းနှီးမြှုပ်နှံမှုက စွမ်းအင်ကဏ္ဍမှာ တော်တော်လေး ထိုးထောင် တက်လာတာကို တွေ့နေ ရပါတယ်။ တပြိုင်နက်တည်းမှာပဲ သူတို့ရဲ့ ရင်းနှီးမြှုပ်နှံမှုနဲ့ ဆက်စပ်ပြီးတော့ ဒေသခံတွေရဲ့ လုပ်ငန်း ကိုင်ငန်းတွေ ဘဝပျက်ပြီးတော့ ပြည်တွင်းစစ် ဖြစ်လာတဲ့ အထိ အသွင်သဏ္ဌာန်တွေကို မြင်တွေ့ လာရတယ်။ အဲဒါကို ကြည့်ခြင်းအားဖြင့် လောလောဆယ် သူတို့ရဲ့ ကူညီနေမူတွေဟာ နိုင်ငံတော် က တဆင့် (လက်ရှိအစိုးရက တဆင့်) ဒေသခံတွေကို အကူညီပေးနေတဲ့ အကူအညီတွေ ဖြစ်နေတဲ့ အတွက် အခု အကူအညီတွေဟာ ဟန်ပြ အကူအညီတွေလို့ဘဲ မြင်တယ်။ အဲဒီ ဟန်ပြ အလှူငွေ ပေးရုံလောက်ကို သူတို့အနေနဲ့ ဒေသဖွံ့ဖြိုးတိုးတက်ရေးအတွက် အလေးထားပြီးတော့ လှူဒါန်း ကူညီတာလို့ ကျနော်အနေနဲ့ မမြင်ဘူး။ တကယ့် တကယ် သူတို့ရဲ့ ရင်းနှီးမြှုပ်နှံမှုက ဒေသခံတွေမှာ ဘယ်လောက်ထိ ဆုံးရှုံး နစ်နာမှုတွေ ဖြစ်နေတယ်။ ဒေသတွင်းမှာ ဘယ်လောက်ထိ မတည်ငြိမ်မှုတွေ ဖြစ်နေတယ် ဆိုတာကို အလေးထားသင့်တယ်လို့ ကျနော်မြင်ပါတယ်။
မေး။ ။ ဂတ်စ် စီမံကိန်းတွေ အပါဝင် နိုင်ငံခြားက ရင်းနှီးမြှုပ်နှံမူတွေ ပြုလုပ် နေတဲ့အတွက် ဒေသတွင်းမှာ ပြသာနာတွေ၊ ဆှုံးရှုံးမှုတွေ၊ မတည်ငြိမ်မှုတွေ ဖြစ်နေတယ်ဆိုတော့ ခုလို အခြေအနေတွေက ဘယ်ဒေသတွေမှာ ဖြစ်ပေါ် နေတာပါလဲ။
ဖြေ။ ။ အထူးသဖြင့် သဘာဝဓာတ်ငွေ့ ပိုက်လိုင်း တည်ဆောက်နေတဲ့ နေရာတွေနဲ့ ရေကာတာ စီမံကိန်း နေရာတွေမှာ ပိုပြီးသိသာ ထင်ရှားနေပါတယ်။ သူတို့အနေနဲ့ မဖြစ်စလောက်လေးကို သတင်းစာကြီးထဲမှာ ကျေညာပြီး လုပ်တယ်ဆိုတာ တကယ့်တကယ် ဒေသခံတွေ ရေရှည် စားဝတ်နေရေး အဆင်ပြေဖို့ လယ်ယာမြေတွေ သိမ်းပိုက်မှုကို သူတို့အနေနဲ့ ရှောင်ရှားသင့်တယ်။ နောက်တခုက ဆေးရုံးတွေ ဘာတွေ ဆောက်တယ်ဆိုပေမဲ့ အဲဒီ ဆေးရုံမှာ ဆေးလည်း မရှိဘူး၊ လုံလောက်တဲ့ ဆရာဝန်၊ သူနာပြုတွေလည်း မရှိဘူး။ ဒေသခံတွေ အတွက်လည်း ဘာမှ အကျိုး အမြတ် မရှိဘူး။ နောက်တခုက မြန်မာ တနိုင်ငံလုံး လူဦးရေ ၈၀ ရာခိုင်နှုန်းက လျှပ်စစ်မီး မရရှိကြ ဘူး။ ဒါပေမဲ့ တိုင်းပြည်မှာရှိတဲ့ သယံဇာတတွေ အားလုံးကို တရုတ်နဲ့ အိမ်နီးရှင်း နိုင်ငံတွေကို ရောင်းနေတယ် ဆိုတော့ အဲဒီဟာတွေကိုလည်း သူတို့အနေနဲ့ ဒေသခံတွေ တိုင်းသူပြည်သားတွေ ဘယ်လောက်ထိ ဖိနှိပ်ခံနေရတယ် ဆိုတာ စဉ်စားထားသင့်တယ်လို့ ကျနော်မြင်ပါတယ်။
မေး။ ။ သူတို့က အခုလို အကူညီပေးတယ် ဆိုတာ ဒေသဖွံ့ဖြိုးရေးကို လုပ်တာဟာ ကောင်းတဲ့ အချက် မဟုတ်ဘူးလား။ အဲဒီအပေါ်မှာ ကိုဝင်းအောင် ဘယ်လိုမြင်ပါလဲ။
ဖြေ။ ။ ကျနော်တို့ အနေနဲ့ ရေရှည်စီးပွားရေးကို အများကြီးကြိုဆိုပါတယ်။ ကုမ္ပဏီတွေအနေနဲ့လည်း ဒေသဖွံ့ဖြိုးရေးအတွက်ကူညီ ပေးတာကို လက်ခံပါတယ်။ ဒါပေမဲ့ အခု အခြေအနေမျိုးက သူတို့ရဲ့ တွဲဖက် လုပ်ကိုင်နေတဲ့ စစ်တပ် ကျောထောက် နောက်ခံ ပြုထားတဲ့ အစိုးရအနေနဲ့ အဲဒီဟာတွေကို တော်တော်လေးကို လှစ်လူရှု့ပြီးတော့ ဒီပြင်ဟာတွေကို မှေးမှိန်အောင်လုပ်နေတာ ကျနော်တို့ တွေရတယ် ခင်ဗျာ။ သူတို့အနေနဲ့ အကောင်ထည်ဖော်တဲ့ လုပ်ငန်းတွေမှာ ပိုပြီးတော့ နိုင်ငံရေး တစုံတခုထိ တည်ငြိမ်လာနိုင်တဲ့ အနေထားတခုမှာမှ တကယ့်တကယ် ဒေသခံတွေ ပါဝင် ပတ်သက်ပြီးတော့ ဆုံးဖြတ်နိုင်တဲ့ အနေထားတခုမှာ ဒေသခံတွေ အကျိုးမြတ်ရမယ်လို့ ကျနော့် အနေနဲ့ပြောချင် ပါတယ်။
မေး။ ။ ဆေးရုံးတွေ၊ ကျောင်းတွေ ဆောက်ပေးတဲ့ တွက် ရခိုင်ပြည်နယ် ဖွံ့ဖြိုးတိုးတက်ရေးမှာ တစိတ်တဒေသ အကူညီ အထောက်ပံ့ဖြစ်တယ်လို့ကော ကိုဝင်းအောင်တို့ ပြောလို့ မရနိုင်ဘူးလား။
ဖြေ။ ။ ကုမ္ပဏီအနေနဲ့ ကျောင်းတွေ ဆောက်တာ ဆေးရုံတွေဆောက်တာ တွေကို ကျနော်တို့ အနေနဲ့ ကြိုဆိုပါတယ်။ ဒါပေမဲ့ အဲဒီအကူညီတွေက ကျနော်တို့ ဒေသခံတွေဆီ မရောက်ဘူးခင်ဗျာ။ ဘာဖြစ်လို့လဲ ဆိုတော့ ကျနော်တို့ တနိုင်ငံလုံးမှာ ဒုတိယ အဆင်းရဲဆုံး အခြေအနေမျိုးကို ရောက်နေ တယ်ဆိုတော့ တနိုင်ငံလုံးမှာရှိတဲ့ ပြည်သူတွေထဲမှာ ရခိုင်ပြည်သူတွေက လျှပ်စစ်မီး ရတာကလည်း အနည်းဆုံး အဆင့်မှာရှိတယ်။ သူတို့အနေနဲ့ အလှူဒါန်းတွေ ပြပြီးတော့ လယ်သမားတွေ ဆီက လယ်တွေကို အတင်းအားဓမ္မ သိမ်းပိုက်တာတွေရှိတယ်။ နောက်တခုက အတင်း အားဓမ္မ စေခိုင်း တယ်။ အဲဒီမှာ ရှိတဲ့ ဒေသအာဏာပိုင်တွေက တဆင့် ဒေသခံတွေအပေါ်မှာ မတရားသဖြင့် နှိပ်စက်တယ်၊ ခေါင်းပုံဖြတ်တယ်။ အဲဒါမျိုးတွေက သူတို့ရဲ့ မဖြစ်စလောက် လှူဒါန်း ပြရုံနဲ့ ကျနော်တို့ ဒေသမှာဖြစ်နေတဲ့ လူထုရဲ့ ပြသာနာကို ဖြေရှင်းလို့ မရဘူး။ အဲဒီဟာတွေကို ကူညီ လှူဒါန်းရုံနဲ့ ဒေသ ဖွံ့ဖြိုး တိုးတက် လာတယ်လို့ ပြောလို့ မရဘူး။
မေး။ ။ ရခိုင်ပြည်ထဲမှာ ရွှေဂတ်စီမံကိန်းမှာ ပါဝင်ပတ်သက်နေတဲ့ ကုမ္ပဏီတွေ အနေနဲ့ ဘယ်အတိုင်း အတာထိ လုပ်ပေးသင့် တယ်လို့ မြင်ပါလဲ။
ဖြေ။ ။ သူတို့အနေနဲ့ နိုင်ငံတကာ စံချိန် စံနှုန်း ရှိတဲ့ ဥပဒေနဲ့ အညီ စည်းမျဉ်း စည်းကမ်းချ ပြီးတော့ အဲဒီ စည်မျဉ်း စည်းကမ်းအောက်က အလုပ်လုပ်နိုင်တဲ့ အနေထားတခုကို သူတို့အနေနဲ့ စောင့်သင့် တယ်။ သူတို့အနေနဲ့ လုပ်ငန်းတွေကို အကောင်ထည်ဖော်တဲ့နေရာမှာ ဒေသခံတွေရော ကုမ္ပဏီ တွေပါ ညီတူညီမျှ အကျိုးအမြတ် တွေကို မျှဝေခံစားနိုင်လောက်တဲ့ အခြေနေ တခုထိ ရောက်ရှိအောင် သူတို့ အနေနဲ့ စောင့်သင့်တယ်။ အဲဒီအခြေအနေ ကလည်း တကယ့်တကယ် ပြည်သူလူထုတွေက ပါဝင်ပတ်သက်ပြီးတော့ ဆုံးဖြတ်ပိုင်ခွင့်ရတဲ့ တွေ့ဆုံ ဆွေးနွေး ခွင့်တွေ ဒီမိုကရေစီ အသွင်သဏ္ဌာန်ကို ဆောင်တဲ့ အဲဒီဟာမျိုးခါမှ အကျိုးမြတ်ရရှိမယ်လို့ ကျနော် ယူဆပါတယ်။
မေး။ ။ ဂတ်စ်တွေ တူးဖော်တဲ့အတွက် ရခိုင်ဒေသတွင်းမှာ ပြည်သူတွေ နစ်နာမှုတွေက ဘာတွေ ရှိပါလဲ။ နစ်နာမူတွေရှိပေမယ့် နောင်မှာ ဒေသဖွံ့ဖြိုးတိုး တက်မှုကိုရော မဖြစ်နိုင်ဘူးလား။
ဖြေ။ ။ ကျနော်တို့ သိရသလောက် ရခိုင်ပြည်က ထွက်တဲ့ သဘာဝဓာတ်ငွေ့ကို ရှိသမျှအကုန်လုံးကို တရုတ်ပြည်ကို ရောင်းမှာ။ ဒါပေမဲ့ ဒီစီမံကိန်းတွေကို စပြီးအကောင်ထည်ဖော်ကတည်းက ဒေသခံတွေ သူတို့ရဲ့ လယ်ယာမြေတွေကို သိမ်းပိုက်ခံရတာမျိုးတွေ ရှိတယ်။ သူတို့ရဲ့ ရေရှည် ဘဝ ရပ်တည်ရေး အတွက် လုပ်ကိုင် စားသောက်မှုတွေ ပျက်တာတွေရှိတယ်။ နောက်တခုက အလုပ်သမားတွေကို ပိုက်ဆံ မဖြစ်စလောက်ပေးပြီးတော့ ခေါင်းပုံဖြတ်တာတွေ၊ အတင်း အားဓမ္မ စေခိုင်းတာမျိုးတွေက တကယ့် လက်တွေ့မှာ ဒေသခံတွေ ခံစားနေရတဲ့ ဒုက္ခတွေလို့ ပြောလို့ရတယ်။ ဒီစီမံကိန်း ပြီးသွား ရင်လည်း ရခိုင်ပြည်သူတွေ အတွက် ဘာမှ ကျန်မှာ မဟုတ်ဘူး။ ဒီစီမံကိန်းက တရုတ်စီမံကိန်း တရုတ်အတွက်ပဲ။ ဒေသခံတွေအတွက် လောလောဆယ်မှာ ဘာအကျိုးမြတ်မှ ရတာကို မတွေ့ရသေးဘူး။
အဲဒါကြောင်း ဒီစီမံကိန်းပြီးသွားရင် ဆင်းရဲမွဲတည် စုတ်ပြတ်သတ်နေတဲ့ ရခိုင်ပြည်သားတွေ အတွက် ဘာမှ အကျိုးမြတ်ရှိမယ်လို့ ကျနော်မမြင်ဘူး။
No comments:
Post a Comment