“ကျောက်ဖြူမှာ အိမ်ခြံမြေ ဈေးနှုန်း တက်တာကတော့ တနေ့ရွှေ တနေ့ငွေပါပဲ။ ကျောက်ဖြူ မြို့ပေါ်မှာ နေရာ မကောင်း အိမ်မကောင်း ဆိုလည်း အနည်းဆုံး သိန်း ၂၀၀ ကျော် ဈေးနုန်းရှိတယ်။ အရောင်း အဝယ် အကျိုးဆောင် ကုမ္ပဏီလို့တော့ မရှိဘူး။ ကြိုက်ရောင်း ကြိုက်ဝယ် ပါဘဲ။ ၂ ထပ် အိမ်တလုံးဆို အနည်းဆုံး သိန်း ၆၀၀ လောက်ရှိတယ်။ အဲဒါ ခြံနဲ့ဝန်းနဲ့ မဟုတ်ဘူး။ သိန်း ၈၀၀ လောက်ဆို ရင်တော့ နည်းနည်း ကောင်းတာ ရနိုင်တယ်” ဟု ပြောသည်။

အိမ်ခြံမြေများကို ၀ယ်ယူနေသူများမှာ မိုးကုတ်ဘက်မှ ဆင်းလာသော တရုတ်များ၊ တရုတ်-ဗမာစပ် ကပြားများနှင့် တရုတ် နောက်ခံ အကျိုးပြုထားသော ဗမာ ကုမ္ပဏီများ ပါဝင်ကြောင်း သိရသည်။ အဆိုပါ တရုတ်များသည် ကျောက်ဖြူမြို့မှ အိမ်ခြံမြေများကို ခေါ်သည့် ဈေးဖြင့် ပေးဝယ်နေသဖြင့် အိမ်ခြံမြေ ဈေးနုန်းများမှာ အဆမတန် မြင့်တက်နေကြောင်း သူက ဆက်ပြောသည်။

“ အရင်တုန်းက ကျောက်ဖြူ သင်္ချီုင်းအနီးက မြေကွက်တွေ ဆိုရင် ငွေ ၂ သိန်းပေးပြီးတောင် ဝယ်မယ့်သူ မရှိဘူး။ အခုကတော့ သိန်းထောင်ချီ တန်ဖိုး ရှိနေပြီ။ ဈေးကြီးတယ်ဆိုတာကလည်း ရင်းနှီး မြှုပ်နှံသူတွေ များတာကိုး။ ဗမာလူမျိုးတွေနဲ့ တရုတ်လူမျိုးတွေက ရေရှည် ကြည့်ပြီး ရင်းနှီး မြှုပ်နှံ ထားကြတယ်။ ရခိုင် လူမျိုးတွေကတော့ အရင်းနှီးလည်း မရှိသလို ရေရှည်ထိ ငွေလည်း စိုက်မထား နိုင်ကြတော့ အိမ်ခြံမြေ ဈေးကွက်မှာ မရင်းနှီးနိုင်ကြဘူးလေ” ဟု သူက ဆက် ပြောသည်။

ကျောက်ဖြူမြို့နယ် အတွင်း အိမ်ခြံမြေဈေးနှုန်း မြင့်တက်နေသော နေရာများမှာ စီးပွားရေးဇုံ အတွင်းပါဝင်သော မဒေးကျွန်း၊ ဂုံးချိန်ကျေးရွာ၊ စေတီယတောင်ရွာနှင့် ကျောက်ဖြူမြို့ပေါ်မှ နေရာများဖြစ်ကြသည်။ 

အလားတူ သံတွဲမြို့နယ် ကျောက္ကလပ်ကျေးရွာ အုပ်စုအတွင်းရှိ ပင်လယ်ကမ်းခြေနှင့်နီးသည့် ကျေးရွာများ၏ မြေကွက်များကို ကုမ္ပဏီ တခုက ဈေးကောင်းပေး ဝယ်ယူနေကြောင်း သိရသည်။ အဆိုပါ ၀ယ်ယူနေသော မြေနေရာသည် ငပလီ ကမ်းခြေကဲ့သို့ လှပသော ကမ်းခြေတခုဖြစ်ကြောင်း ဒေသခံ ကျောက္ကလပ် ရွာသား တစ်ဦးက ပြောသည်။

“ သာယာလှပတဲ့ နေရာတွေဆိုတော့ စီးပွားရေးသမားတွေက ၀ယ်ကြတာပေါ့လေ။ အရင်နှစ်တွေကတော့ မြေတဧကကို ကျပ်သိန်း ၃၀ လောက်နဲ့ ဝယ်မည့်သူ မရှိဘူး။ အခု ကုမ္ပဏီတခုက မြေတဧကကို သိန်း ၂၀၀ ပေးပြီး ဝယ်သွားတယ်။ အခြား ကုမ္ပဏီတွေကလည်း မြေဈေးနှုန်းတွေ လာရောက် လေ့လာတာတွေရှိတယ်။ မြေဈေးနှုန်းတွေက တဖြည်းဖြည်း မြင့်တက်လာတယ်။ ဒေသခံတွေကတော့ အဲဒီမြေတွေပေါ်မှာ ဥယျာဉ်ခြံစိုက်ပျိုးတာလောက်သာ လုပ်ကြတယ်။ စီးပွားရေးသမားတွေကတော့ ကမ်းခြေသစ် တခု ဖြစ်လာနိုင်တယ်လို့ ရည်ရွယ်ပြီး ရင်းနှီးမြှုပ်နှံမှု ပြုလုပ်လာကြတာ ဖြစ်ပါတယ်” ဟု ပြောသည်။

ကျောက္ကလပ်ကျေးရွာ အုပ်စုရှိ ကမ်းခြေသည်လည့် ငပလီကဲ့သို့ လှပသော ကမ်းခြေရှိပြီး ငပလီကမ်းခြေမှ ဘင်္ဂလားပင်လယ်အော် တစ်ဖက်ကမ်းတွင် တည်ရှိသည်။ ငပလီကမ်းခြေရှိ လုံးသာရွာမှ သဗြုချိုင်သို့ တနာရီခန့် စက်လှေစီးပြီး ယင်းမှတစ်ဆင့် ကျောက္ကလပ်အုပ်စုသို့ သွားရောက်နိုင်ကြောင်းသိရသည်။

ထိုသို့ လှပသည့် ကမ်းခြေရှိခြင်းကြောင်း ကုမ္ပဏီများက ကမ်းခြေသစ် ဖြစ်လာနိုင်သည့် မျော်လင့်ချက်ဖြင့် ဟိုတယ်များ ဆောက်လုပ်ရန် ရင်းနှီးမြှုပ်နှံ ဝယ်ယူနေကြခြင်း ဖြစ်ကြောင်း သိရသည်။

ကျောက္ကလပ်ကျေးရွာ အုပ်စုတွင် ကျောက္ကလပ်ရွာ၊ မော်ရုံရွာ၊ မော်ရွှေလေးရွာ၊ မော်ရှည်ရွာ၊ ကွင်ဝိုင်းရွာများ ပါဝင်ပြီး ဒေသခံများမှာ သီဟိုဠ်ခြံ၊ အုန်းခြံ၊ စသည့် ဥယျာဉ်ခြံ စိုက်ပျိုးရေးကိုသာ အဓိက လုပ်ကိုင်ကြသည်။

အိန္ဒိယ-မြန်မာ ကုန်သွယ်ရေးအတွက် အရေးပါသည့် စစ်တွေမြို့တွင်လည်း လူမျိုးခြား စီးပွားရေး သမားများက ရင်းနှီးမြှုပ်နှံမှုပြုလုပ်ရန် ကြိုးစားသော်လည်း ဒေသခံများက အိမ်ခြံမြေများကို မရောင်းချသည့် အတွက် အရောင်းအဝယ်မရှိသလောက်ဖြစ်နေကြောင်း သိရသည်။ အလားတူ ကြားခံဆိပ်ကမ်း တည်ဆောက်မည့် ပလက်ဝမြို့နယ်တွင်လည်း စီးပွားရေး သမားများက ရင်းနှီး မြှုပ်နှံမှုများ ပြုလုပ်ရန် ကြိုးစားနေကြကြောင်း သိရသည်။ 

 နိရဉ္စရာသတင်းဌာနမှကူးယူဖေါ်ပြသည်         http://www.narinjara.com/detailsbur.asp?id=3400