ခေါင်းစိုင်မဟိ
လမ်းမမြင်ကမ်းမမြင် ခီးတောက်အကျိုး
အကြားအာရုံကမရ ပြောရေစကားက မပီ
ယပိုင်ဖြစ်နီကေ စိတ်ကူးတိက
အိမ်မက်မှာထက် အပြင်မှာ ဇာလုပ်ရဖို့လေ စိုင်စားကတ်ပါ
ငါကမှာတော့ ဝမ်းပါရေ
ပြဿနာက စားဖို့ပစပ်ကဟလို့မရ
ငါမှကသူများနဲ့မတူ အော်ရဖို့
ပြဿနာက အော်ဖို့ပစပ်က ဟလို့မရ
သူတော်ကောင်း သီလစောင့်ရေပိုင်
တစ်ခုလည်း မလုပ်တယ်လူကိုလည်း သူတော်ကောင်းလို့ပြောနိုင်ဖို့လား
မပြည့်ရေအိုးဘောင်ဘင်ခတ်လတ်
မဟိရေအိုးလည်းဘောင်ဘင်မခတ် ဇာပိုင်လည်း စိုင်စားကတ်ပါ..
မင်းက ဆရာဝန် ၀မ်းသာပါရေ သူငယ်ချင်း . ..
မင်းက အင်ဂျင်နီယာ ၀မ်းသာပါရေ သူငယ်ချင်း ..
မင်းက ကျောင်းဆရာ ၀မ်းသာပါရေ ....
မင်းက တော်လှန်ရေးသမား
မျိုးရက္ခဖွားအတွက် အသက်ကိုပင်ပဓာနမထား
ရိုးတောင်ထိပ်ဖျားမှာ သဇင်တစ်ခက်နန့်
ရက္ခအလံကို စိုက်ထူဖို့လူ မြင့်မြတ်တေ လေးစားရေ ဂုဏ်ယူရေ .. ..
ငါက ဇာလေ ယေကေ .. ငါက လ၀ါရာ.. ထွီး .. ၀မ်းရီဆာရေ . . . ......
မောင်မိုး (ဥရာဇ်)
No comments:
Post a Comment